कांग्रेस — एमालेपाखें पंगः थन

शान्ति व संविधानया नितिं निर्णायक वार्ता २५ व २६ गते

येँ (झीगु स्वनिगः)

शान्ति व संविधानया विवाद जुयाच्वंगु विषययात ज्यंकेगु नितिं धकाः म्हिगः आइतवाः च्वंगु स्वंगू प्रमुख दलया शीर्ष नेतातय्गु मु“ज्याय् तकं प्रमुख प्रतिपक्ष दल नेपाली कांग्रेस व एमालेया नेतातय्सं पंगः थनेगु याःगु दु । शनिवाः जक संविधानसभाय् दुथ्याःगु ३३ दलया मु“ज्या जूगु इलय् आइतवाःनिसें हे स्वंगू दलया शीर्ष नेतातपाखें शान्ति व संविधानया नितिं माःगु कथं सहमति यायेत गम्भीर जुयाः वार्ता यायेगु धकाः सहमति जूगु खः । विशेष यानाः संविधानसभाय् दुथ्याःगु चिचीधंगु दलया नेतातय्सं शान्ति व संविधानया नितिं स्वंगू दलया नेतातय् दथुइ गम्भीर रुपं वार्ता यानाः छगू अबधारणा तयार यायेमाःगु ख“य् बः ब्यूगु खःसा अबले प्रमुख पार्टीत एकीकृत नेकपा (माओवादी), नेपाली कांग्रेस व एमालेया शीर्ष नेतातय्सं म्हिगः आइतवाःनिसें हे शान्ति व संविधानया नितिं गम्भीर जुयाः वर्ता यायेगु धकाः प्रतिबद्धता प्वंकूगु खः ।

विवादित विषय ज्यंकेगु नितिं न्यान्हु जक ल्यं दनिगु इलय् म्हिगः च्वंगु स्वंगू दलया मु“ज्याय् कांग्रेस व एमालेया नेतातय्सं शान्ति व संविधानया विषययात कयाः सहलह हे ब्याके मलायेकं जनयुद्धया इलय् दयेकूगु जनसरकारपाखें याःगु निर्णययात सरकारं बैधता बिइगु निर्णय याःगुयात लित कायेगु ज्या मयाःतले मेगु छुं नं कथंया ख“ न्ह्याके फैमखु धकाः अडान काःगु खःसा मु“ज्या विनानिष्कर्ष क्वचाःगु खः ।
मु“ज्याय् कांग्रेसया नेतातय्सं जनसत्ताया ज्यायात सरकारं बैधानिकता बिइगु धकाः याःगु निर्णय न्हापां लित कायेमाः धकाः अडान कायेवं विनानिष्कर्ष क्वचाःगु खः ।
उगु मु“ज्याय् कांग्रेसया नेतातय्सं स्वेच्छिक अवकास काःपिं लडाकुतय्त ब्यूगु ध्यबा तकं कमान्डरतय्सं काल धकाः तकं आपत्ति प्वंकेवं शान्ति व संविधानया विषययात कयाः सहलह हे मजूसे मु“ज्या क्वचाःगु खः । थ्व हे दथुइ आः गम्भीर जुयाः वइगु २५ व २६ गते मु“ज्या च्वनेगु ख“य् धाःसा नेतातय् दथुइ सहमति जूगु दु ।