चैत्र ४ गते नेवाः पत्रकारतय् राष्ट्रिय सम्मेलन
येँ (सन्ध्या टाइम्स)/ नेवाःतय्गु राष्ट्रिय संगठन नेवाः देय् दबूया संयोजन व नेवाः संचारकःमि दबू संयोजन पुचःया ग्वसालय् म्हिगः नेवाः पत्रकारतय्गु बृहत भेला जुल ।
भेलां ९१ म्हेसिया नेवाः पत्रकार राष्ट्रिय दबू राष्ट्रिय सम्मेलन मू ग्वसाः खलः नीस्वंगु दु। श्रीकृष्ण महर्जन कजि जुयादीगु उगु ग्वसाः खलःया २१ म्ह दुजः दुगु सचिवालय नं गठन याःगु दु। सचिवालयया दुजलय् उदेन न्हूसाय्मि, रमेश मानन्धर, ज्ञानकुमार महर्जन, सुगतरत्न सिन्दुराकार, शिला साय्मि, प्रेरणा शाक्य, अस्मीत मल्ल, ज्ञानबहादुर महर्जन, रचना श्रेष्ठ, नातिकाजी महर्जन, किचःमान ज्यापु, नृपेन्द्रलाल श्रेष्ठ, राज्यलक्ष्मी शाक्य, केके मानन्धर, सुरजवीर बज्राचार्य, राजेन्द्र शाक्य, जुनिबज्र बज्राचार्य, मञ्जु बज्राचार्य, महेश श्रेष्ठ (धरान) व उपेन्द्र प्रधान (दोल्खा) च्वनादीगु दु ।
नेवाः देय् दबूया नायः नरेश ताम्राकार मूपाहां कथं झाःगु उगु भेलाय् बरिष्ठ पत्रकार रमेशकाजी स्थापित, सुरेश मानन्धर, महेश श्रेष्ठ, उपेन्द्र प्रधान, अमिररत्न ताम्राकार नापं मेमेपिंसं नेवाः पत्रकारतय्गु राष्ट्रिय संगठनया आवश्यकता नापं पत्रकारतय्गु हक अधिकार व सुरक्षा बारे न्ववानादीगु खः। भेलां वइगु कार्तिक ४ गते येँय् देय्न्यंकंया नेवाः पत्रकारतय्गु राष्ट्रिय सम्मेलन यायेगु घोषणा नं याःगु दु ।
