हिन्दी भजन हे छाय्

सम्पादकजु

थौंकन्हय् नेपाःयात हाकनं हिन्दू राज्य यायेमाः धकाः हाला जूिपं व थःिपंत हिन्दूवादी धया च्वंिपंसं नेपाःयात हिन्दू राज्य यायेमाः धयाच्वंगु खः ला वा हिन्दूस्तानया राज्य जुइमाः धयाच्वंगु खः भचा थुइके थाकुयाच्वन । नेपाःया राजधानी येँ देय्या नुगः खः हनुमानध्वाखा लाय्कू । थ्वहे हनुमानध्वाखा लाय्कू नापं दुगु छगू प्रसिद्ध देगः खः मखं महाद्यः । गुगु सानो पशुपति महिन्द्रेश्वर आदि नामं नं चर्चित जू । िजं नं न्ह्याबलंे सुथय् बहनी अनं जुइगु इलय् श्रद्धां छ्यं क्वछुकाः द्यः दर्शन यायेगु याना ।

तर जि अन थ्यनीबलय् धाःसा जितः नेपाः दुने मखु हिन्दूस्तानया छगू प्रान्तया छगः देगलय् थ्यंगु थंे ताइ । छाय्धाःसां अन न्ह्याबलें हे ततसकं हिन्दी भाय्या भजन म्ये हायेका तइ । जब जब अन ततःसकं हिन्दी भजन हायेका तइ जितः देगलय् थहां मवनेत नुगलं घ्वात्तु घ्वाइ । थथे यक्व हे देगलय् जुयाच्वंगु दु । थ्व ला छगू जक दसु खः । छु झीगु थःगु हे नेवाः भासं हालातःगु भजन म्येत मदुगु जकं खःला हिन्दी भाय्यात नेपाःया भाय् हे मखु धायेगु नं पाय्छि पक्कां हे मखु । तराईपाखे हिन्दी भजन हायेका तःसा उलि अजूचाये माःगु छुं खँ मदु । तर येँ दुने नं थथे हिन्दी भजन हे ला स्थानीय भाय् नेवाः भासं ला महायेकल म्वाःल । नेपाली भजन ला हायेकेगु याये माःगु खः नि । छु थन नेपाली भजन हालीपिनिगु कमी दु ला कि नेपाली भजनत दु धइगु मसिउगु खः यदि आम्कन नेपाली भजनया म्येचाः सीडीत मदुगु खःसा धयादिसँ िजं हे छचाः निचाः हया बी ।

अझ बहनी आम्कन भजन छंँेय् हे भजनत हालेगु याः । व हे भजन जक रेकर्ड यानाः हायेका बिउसां जिउ । थथे जुल धाःसा भजन हालीिपं पासािपंत प्रोत्साहन नं जू वनी । हिन्दी भजन हायकॆ हे मजिउगु ला मखु तर थःगु मौलिक भाय्यात ल्वःमंके नं मजिल नि मखुला कि थथे हिन्दू द्यःया देगःपितं हिन्दी म्ये हायेकाः हिन्दुत्वया नामय् देय्यात हे हिन्दुस्तानीकरण यायेगु

रमा कालिमाति येँ ।

More Stories Like this