तानसेनय् शंखधरया झ्वाता उलेज्या
वंगु सिल्लाथ्व चौथि कुन्हु पाल्पाया तानसेनय् नेपाल संवतया प्रवद्धक शंखधर साख्वाःया झ्वाता उलेज्या जुल । पाल्पाया थीथी स्थानीय नेवाः खल पुचःया सक्रियताय् दयेकूगु उगु झ्वाताया उलेज्या नेवाः देय् दबूया नायः नरेश ताम्राकारं यानादीगु खः ।
उलेज्या ज्याझ्वलय् देय् दबूया नायः नापं मूपाहाँ ताम्राकारं नेपाल संवत् नेपाः देय्या थःगु हे मौलिक म्हसिका दुगु संवत् जूगु न्ह्यःथनादिल । शंखधरं नेपाःमितय् त्यासाः पुला दसत्व उन्मुलन यानाबिउगु इतिहास दयेका वंगु धयादिसें वय्कलं वर्तमान इलय् झीसं ब्राम्हनवादया राजनितिक दासत्वयात अन्तय याना न्हूगु इतिहास दयेकेमाःगु धयादिल ।
पाल्पा खलःया नायः छत्रराज शाक्यया सभापतित्वय् न्ह्याःगु उगु ज्याझ्वलय् नेवाः देय् दबूया मध्यमाञ्चल न्वकू विष्णु प्रसाद श्रेष्ठ, मु दुजः पुर्णकृष्ण श्रेष्ठ, एल.डि.ओ. कृष्ण अर्याल व स्थानिय बुद्धिजिविपिनिगु ब्वति दुगु खः ।
More Stories Like this
कन्याम इलामय् नेपालभाषा कक्षा न्ह्यात धिमे बाजं व भाषा प्रशिक्षण ज्याझ्वः क्वचाल थुर्पुय् स्वक्वःगु लाखे प्याखँ धेधेबल्ला ओखलढुंगाय् नेपालभाषा कक्षा क्वचाल नेवाः देय् दबू ओखलढुंगा तदर्थ समिति स्वन
