छम्ह अमेरिकीया मिखाय् स्वनिगःया संस्कृति

अमेरिकाय् जन्म जुयाः अमेरिकाय् ब्वलनाः नं नेपाःया मौलिक कला संस्कृतिलिसे गुलि भ्यलेपुं धइगु खँ आः नकतिनि हे जक छम्ह अमेरिकी फोटोग्राफरं नेपाःया मौलिक संस्कृति जुयाच्वंगु स्वनिगःया थीथी जात्रापात्रा व देगःया उत्कृष्ट फोटो ब्वज्यापाखें क्यंगु दु । सिद्धार्थ आर्ट ग्यालरीइ जूगु बाःछि ताःहाकःगु उगु ब्वज्याय् दुस्वयेगु खःसा छम्ह थन हे बुयाः थन हे ब्वलंम्ह नेवालं तकं स्वये मखनीगु कथंया थीथी सांस्कृतिक पर्वया बासःपाः आधुनिक किपात अन ब्वयातःगु खंके फइ । वय्कलं जात्राया फोटो धायेवं अथें जात्रा जुल धायेत वा जात्रा जुयाच्वंगु किपा दु धकाः क्यनेत जक गथे खः अथे हे किपा कयादीगु मदु । उगु जात्रा दुने नं छु विषय गुलि उत्कृष्ट धइगु सीदयेकेत खः क्वबीपिनि म्हय् स्वः स्वः वयाच्वंगु चःति रथ सालीगु इलय् ल्हातय् खने दइगु हिनू नापं रथया निचाः घःचाः दथुइ च्वनाः नं निर्धक्क पसः तयाच्वंम्ह छम्ह मिसाया शान्त ख्वाःयात वय्कलं थःगु क्यामेराय् कैद यानादीगु दु ।

भाजु स्कट फैया न्हापा न्हापा नं नेपाः वः । अथे जुयाः वयागु प्रेम छम्ह नेपाःमिलिसे हे जुल । मय्जु शर्मिला शाही वय्कःया मतिनामि खः अले आः तिरि मय्जु नं । उिकं थःगु ससलय् च्वनाः नं वय्कलं दकलय् अप्वः सांस्कृतिक महत्वया किपात कायेगु यानादिल । ब्वज्याय् दुथ्याकातःगु किपात धाःसा निदँ न्ह्यः कयातःगु खः । अथे खःसां उगु किपातं यानाः दच्छियंकं स्वनिगलय् जुइगु थीथी धार्मिक सांस्कृतिक व परम्परागत पर्वया झलक पिज्वयाच्वंगु दु । अन मुक्कं न्यय्छपाः अज्याःगु किपा ब्वयातःगु दु । किपा उलि थिके नं मजू । न्हय्द्वःनिसें िझंप्यद्वः तका मू तक मू तूगु किपात अन दु ।

जात्रा जक मखु कि नेवाःतय् थीथी नखःचखः हनीगु तरिकायात नं वय्कलं क्यामेरां स्वयादीगु जुयाच्वन गुगु वय्कःया किपाय् खुलस्त जुयाच्वंगु दु । गुिलं नेवाःतय्सं हे मसीधुंकूगु चलनयात अन ब्वयातःगु दु । नखः चखतं नइगु व पुनीगु अनेक कथंया ज्वलं छसीकथं स्पष्ट यायेत नं किपा ताःलाःगु दु । िझंनिदँ न्ह्यः थन वःगु इलय् नापलाःम्ह छम्ह साधुया किपायात झिनिदँ लिपा हाकनं छक्वः कयाः कलात्मक ढंगं ब्वयातःगु दु । थ्व स्वयेगु खःसा स्कटया नेपाः सम्बन्धी थ्व किपा आपालं मेहनतं तयार जुयाच्वंगु दु । जात्रा न्यायेकेत यायेमाःगु पूर्व तयारी पूर्ण रुपं तयार जुइधुंकाः जुइगु चहपह व अन खने दइगु अनेकौं अजूअजू चायापुगु लु नं उकी दुथ्याः । म्हासुगु व ह्याउँगु छगू हे सिन्हःभुइ तयातःगु दुर्लभ सिन्हःभू नं उकी दुथ्याकातःगु दु । थ्वहे थुगु किपा ब्वज्याया च्वन्ह्याःगु पक्ष खः । छन्हुं हे काःगु फोटो नं थीथी कथंया बां लुइकाः वय्कलं कलात्मक ढंगं ब्वयादीगु दु ।

थिमिया थीथी जात्रा यलया कृष्ण मन्दिरय् जुइगु मेला भैलःखः क्वय् च्वनाः सामान मियाच्वंम्ह मिसा व थीथी सांस्कृतिक पर्वलिसे स्वाकाः कयातःगु किपाय् अर्थपूर्ण भावना दुस्वकातःगु दु । उकथं हे पुलुकिसि लाखे थेंज्याःगु स्वनिगःया नेवाःतय् परम्परायात धाथें हे बांलाक कायेगु ज्या अन जुयाच्वंगु दु । कुसे औसी गुंपुन्हिया न्ह्यइपुगु दृश्यं नं अन लकस हे संस्कृतिमय यानाबिउगु खनेदु । छम्ह हे जक फोटोग्राफरं नं थुलिमछि मेहनत यानाः स्वनिगःया थीथी परम्परायात उजागर यायेगु ज्या अःपु धाःसा अवश्य मजू । अथे खयां नं छम्ह सफल फोटोग्राफरं काःगु उगु किपा स्वयेत नेपाःया फोटो-ेग्राफरत नं उलि हे आतुर जुयाः
ज्याझ्वलय् सहभागी जूगु खने दत ।
कृष्ण

More Stories Like this