प्रमं सभामुखयात प्रतिवेदन लःल्हात
येँ (झीगु स्वनिगः)
प्रधानमन्त्री डा. बाबुराम भट्टराई नं संविधानसभाया नायः सुवासचन्द्र नेम्वाङयात राज्य पुनर्संरचना आयोगया प्रतिवेदन लःल्हाःगु दु । म्हिगः विहिवाः सिंहदरवारय् च्वंगु ज्याकुथिइ संविधानसभाया नायः नेम्वाङयात उगु प्रतिवेदन लःल्हाःगु खः । प्रतिवेदन लःल्हाये धुनेवं प्रधानमन्त्री डा. बाबुराम भट्टराई नं मिहिनेत यानाः आयोगं प्रतिबेदन तयार याःगु धकाः धयादीगु दु । वय्कलं धयादिल ‘आयोगं महत्वपूर्ण मुद्दाय् सुझाव ब्यूगु दु, थ्व उपलब्धि मुलक जूगुदु । प्रचारय् गुगु कथं वःसां मिहिनेत यानाः रिपोर्ट तयारयाःगु दु ।’
