संयोगय् सत्ता !

सूर्यमान राजभण्डारी

प्रधानसेनापति कटवाल प्रकरण- पाखें एमालेया वरिष्ठ नेता माधव नेपालयात प्रधान- मन्त्री पदया चिठ्ठा लात । माओवादी नेतृत्व कालय् ूनयाँ नेपालू ूनयाँ नेपालू धकाः चर्चा जूगु खःसा थौकन्हय् ूमाधव नेपालू जक चर्चा जुल । माधव नेपाल चर्चा मजुइगु नं छाय् हिन्दी टेलिसिरियलय् घटना म्वय् हिउथें नेपाःया राजनीतिइ नं राजनैतिक घटना म्वय् हिलाः माधव नेपाल उकिया मुख्यम्ह पात्र जूगु जुल । छम्ह ज्योतिषाचार्यया दावी दु माधव नेपालया प्रधानमन्त्री पदया शपथ ग्रहणकाल उलि शुभ मजू हँ । तर उगु शपथ ग्रहणकालंनिसें मदिक २४ घौ वा वयां तुं च्वन । िभंज्याय् वा वइगु शुभ संकेत धाइगु खः । दुर्भाग्यया खँ गुला न्ह्यः माओवादी नेतृत्वय् सरकार गठन जुइकथं कोशी तटबन्ध तज्यानाः जनजीवन तबाही जुल आः न्हूगु सरकार गठन जुइ कथं हानं कोशी खुसिया अस्थायी कफर ड्याम तज्यानाः तितरबितर जुल । थ्व कोशी व कुसर्ीया संयोग नेपाःया राजनीतिइ नं प्रकृतिया प्रभाव जकं खःला

संयोगया खँ ल्हायेगु हे खःसा न्हूगु सत्ताय् ज्वः ल्याः व ल्याः २÷३ या संयोग हे संयोग दु । दकलय् न्हापां ला न्हूम्ह प्रधानमन्त्री भाजु माधव नेपाल संविधानसभा चुनावय् निथासं हे बूम्ह अभागी उम्मेदवारखः । अय्नं वयकः गणतान्त्रिक नेपाःया निम्हम्ह भाग्यमानी प्रधानमन्त्री जुयादिल । नेपाःया इतिहासय् न्हापांम्ह प्रधानमन्त्री भीमसेन थापांनिसें आः तकया प्रधानमन्त्रीतय्गु झ्वलय् वय्कः प्रम नं। ३३ खः । वय्कलं २२ गू दलया समर्थनय् थ्वहे ११ गतेनिसें प्रधानमन्त्री पदया कार्यभार कुबियादिल । बिक्रम संवत् कथं जेठ महिना धयागु ल्याः २ खः । वय्कः प्रधानमन्त्री जुइत मधेसी जनअधिकार फोरम निगू पुचलय् ब्वथलाः संसदीय दलया नेता विजय गच्छेदारया निर्णायक सहमितं सम्भव जूगु खः । भाजु गच्छेदारया पुचलय् ३२ सभासद अर्थात ल्याः ३ व २ प्यपुनाच्वंगु खनेदु । अथे हे ल्याः ३ व ल्याः २ या योगफल ५ अर्थात न्याक्वःगु कुतलय् जक भाजु नेपाल प्रम जुइत ताःलाःगु जुल । नेपाःया स्वम्हम्ह कम्युनिष्ट प्रधानमन्त्री जुइत भाजु नेपाल स्ववाः तक पियाच्वने माल । एमालेया नेतृत्वय् गठन जूगु न्हापांगु मन्त्रीमण्डल स्वम्हेसिया जक जुलसा निम्ह मन्त्री एमालेपाखें नियुक्त जुल । नव नियुक्त मन्त्रीत निम्हं संविधानसभाया प्रत्यक्ष चुनाव त्याका वःिपं मखु । अर्थात न्हूगु मन्त्रिमण्डलय् स्वम्हं गैर निर्वाचित प्रतिनिधित खः । भाजु नेपालं निर्विरोध प्रधानमन्त्री ला जुयादिल तर कार्यभार न्ह्याकेत थाकुइगु जूगुिलं दकलय् न्हापां प्रधानमन्त्री भाजु नेपालं स्वम्ह सल्लाहकार नियुक्त यानादिल । चीधंगु मन्त्रिमण्डलया प्रधानमन्त्रीं जनताया नामय् निक्वः संवोधन यायेगु ह्वःताः नं चूलाकल । न्हूगु मन्त्रिमण्डलया न्हापांगु मन्त्रिपरिषद्या बैठकं नं निगू निर्णय यात छगू रत्नपार्कय् शौचालय दुगु शान्तिबाटीकाय् गणतन्त्रया थां धस्वाकेगु मेगु गणतन्त्र दिवस जेठ १५ लिपा प्रधानसेनापति प्रकरणयात पिलं पुइका वांछ्वयेगु । निम्ह प्रधानसेनापतिया यथास्थिितं प्रधानमन्त्री जुयादीम्ह भाजु नेपालया शपथ ग्रहण ज्याझ्वलय् नं माओवादी पार्टीपाखें निम्ह जक प्रतिनििधं ब्वति काःगु धाथें न्ह्यइपुगु संयोग मखु ला न्हूगु सत्ता समीकरणय् २२ गू दलया ल्हाःिचं दुसां निगू जक दल नेपाली कांग्रेस व मधेसी फोरमया अप्वः चर्चा जुल । ख नं थ्व न्हूगु सत्ता धस्वाःगु हे नेपाली कांग्रेसया ूदमू व मधेसी फोरमया ूदेनू पाखें खः । एमाले पार्टीया सरकार नेतृत्व यायेगु पार्टीगत स्वार्थ व माधव नेपालया प्रधानमन्त्री जुइगु म्हगस ला पूवन तर नेपाली कांग्रेसया अध्यक्ष गिरिजाप्रसाद कोइरालाया ूइच्छाू व मन्त्रीमण्डलय् ूहटू मन्त्री जुइगु मधेसी फोरमया ूभिक्षाू पूवनी ला मवनी ला स्वये ल्यं दनि । नेतातय्गु मन दुनेया सत्ता स्वार्थ पिने खने दुसां उकियात त्वपुइत ूसहमतिू व ूसहकार्यू या िनंितं धकाः निगः जक खँग्वः पाठ यानाच्वन । गणतान्त्रिक नेपाःया न्हापांगु गणितीय सत्ताय् खनेदुगु संयोग ल्याः २ व ३ जूसां खने मदुगु मेमेगु संयोगत नं यक्व दयेफु । धाथें थ्व सत्ता गणितीय संयोगया जक खःसा गुगुं नं इलय् थ्व क्वःदलेफु । मधेसी फोरमया घ्वासाय् नेपाली कांग्रेसया ब्वहलय् च्वनाः प्लस माइनसय् माधव नेपालयात संयोगया सत्ता न्ह्याकेगु ज्या अःपु मजुइफु छाय्धाःसां थन महत्वाकांक्षी नेतात मन्त्री ÷ प्रधानमन्त्री जुइगु इच्छाय् नेपाःया सत्ता स्वलाय् छक्वः बकुलामा क्वःदःथें क्वःदःसां जिउ धाईपं यक्व दु । थ्व खँ भाजु नेपालं बांलाक हे थू जुइमाः ।

laskus@hotmail.com

More Stories Like this