‘माओवादी बाहेकया सरकार दयेकेगु कुतः जुयाच्वंगु दु'

येँ (झीगु स्वनिगः)

एकीकृत नेकपा (माओवादीं) थःपिं विरुद्ध कांग्रेस व एमालें घेराबन्दी सुरु जुल धयाच्वंगु हे इलय् प्रमुख प्रतिपक्ष दल नेपाली कांग्रेसया नेतृ सुजाता कोइरालां एकीकृत माओवादी वाहेकया दलत जानाः न्हूगु सरकारया निति कुतः जुयाच्वंगु दु धकाः दावी यानादीगु दु । म्हिगः बुधवाः गोरखाया सदरमुकामय् पत्रकारतलिसे ख“ल्हासें नेतृ कोइरालां अथे धयादीगु खः । वय्कलं थ्व अवस्थाय् मेगु सरकार दयेकेगु नितिं गृहकार्यया नितिं कांग्रेस, एमाले व मधेसी मोर्चाया दथुइ ख“ जुयाच्वंगु दु धकाः धयादिल । कांग्रेसया नेतृ कोइरालां धयादिल ‘जिगु विचारय् आः दयेकीगु सरकारया नेतृत्व कांगं्रेसं यायेमाः । सहमतिया आधारय् थ्व सरकारयात क्वःथलाः मेगु सरकार दयेकेगु ज्या न्ह्याःगु दु ।’