सूचना गोप्य तयेगु ज्या कार्यान्वयन मयायेत सर्वोच्चया आदेश
येँ (झीगु स्वनिगः)
१४० सूचना गोप्य तयेगु कथं सूचना वर्गीकरणया निर्णय तत्काल कार्यान्वयन मयायेत सर्वोच्च अदालतं म्हिगः मंगलवाः अन्तरिम आदेश जारी याःगु दु । डेमोक्रेटिभ लयर्स एसोसिएसनं दायर याःगु रितया सुनावाइयात कयाः न्यायाधीश बैद्यनाथ उपाध्यायया एकल इजलासं आइतवाः तक निर्णय कार्यान्वनय मयायेत आदेश ब्यूगु खः । मुख्य सचिवया अध्यक्षताय् २०६८ मंसिर २६ गते गठन याःगु सरकारी सूचना वर्गीकरण समितिं १४० प्रकारया थीथी सूचनायात गोप्य तयेगु निर्णय याःगु खः । थ्व हे दथुइ सूचना गोप्य तयेगु धकाः निर्णय याःगु विरुद्ध नेपाल पत्रकार महासंघया आह्वानय् म्हिगः सोमवाःनिसें हे सतक आन्दोलनय् क्वहां वःगु दु ।
म्हिगः बबरमहलय् हाकूगु कापः ब्वज्या यानाः सांकेतिक रुपं विरोध प्रदर्शन याःगु खःसा थौं मंगलवाः व कन्हय् बुधवाः थीथी जिल्लाय् जिल्ला प्रशासन ज्याकू न्ह्यःने प्रदर्शन याइगु जूगु दु ।
