थनिनिसें पत्रकारत आन्दोलनय्
येँ (झीगु स्वनिगः)
सूचना वर्गीकरण यानाः गोप्य यायेगु सरकारया निर्णय खारेज यायेमाःगु माग यानाः नेपाल पत्रकार महासंघं आन्दोलनया घोषणा याःगु दु । महासंघया म्हिगः सोमवाः च्वंगु मु“ज्यां सरकारया पलाः अधिनायकवादी सोच जूगु ठहर यानाः आन्दोलनया घोषणा याःगु खः ।
घोषणा याःगु आन्दोलनया ज्याझ्वः कथं थौं न्हिनय् ३ बजे सतक विभाग बबरमहल न्ह्यःने हाकूगु ब्यानर प्रदर्शन यायेगु, अथे हे महासंघया शाखातपाखें थःपिनिगु अनुकुलताय् थौं व कन्हय् देय्न्यंकं प्रदर्शन यायेगु धकाः घोषणा याःगु दु । सरकारं वर्गीकरण यानाः १ सय ४० प्रकारया सूचनायात गोप्य तयेत सरकारी ज्याकूयात निर्देशन ब्यूगु खः ।
