दुरुया भाः हाकनं थकाल
येँ (झीगु स्वनिगः)
दुग्ध विकास संस्थानं म्हिगःनिसें लागू जुइकथं संस्थानया कार्य क्षेत्र दुगु फुक्क जिल्लाय् दुरुया भाः थकाःगु दु । अथेहे थौंनिसें लागू जुइकथं संस्थानं मीगु स्टाण्डर्ड दुरु (वचूगु पाकेट) या उपभोक्ता भावय् नितका प्रति पाकेट व होल मिल्क (वाउँगु पाकेट)य् प्रति पाकेट स्वतका थकागु तर नेपालगञ्ज दुग्ध वितरण आयोगया हकय् स्टाण्डर्ड दुरुइ प्रति पाकेट छतका व होल मिल्कय् प्रति पाकेट नितका जक थकाःगु संस्थानपाखें पिकाःगु विज्ञप्तिइ न्ह्यःथनातःगु खः ।
विज्ञप्तिइ बाध्यात्मक परिस्थितिया कारणं उपभोक्ता भावय् वृद्धि याःगुलिं उपभोक्ता वर्गय् लाःवनीगु लिच्वःप्रति संस्थान क्षमायाचना यानाः संस्थानं उपभोक्ताया विश्वासिलो डिडिसी ब्राण्डया गुणस्तरीयता कायम याना तयेगु प्रतिबद्धता नं प्वंकूगु दु ।
