कर्नर ताजा गु“दपाकपाखें पत्रकारत ब्वन

येँ (झीगु स्वनिगः)

न्हूसतकया कर्नर ताजा गुँदपाकया थुवाः मदनबाबा मास्के व वय्कःया काय् मनेन्द्रलाल मास्केपाखें म्हिगः छगू पत्रकारत सःताः थःगु समस्यायात न्ह्यःने तयाः नियतबस प्रशासनपाखें विभेदपूर्ण व्यवहार याःगु द्वपं बियादीगु दु । भाद्र १९ गते बजाः अनुगमनया नामय् याःगु इलय् वांछ्वयेत तयातःगु सामानत गुँडपाख दयेकेगुली छ्यलीगु यानाच्वन धैगु द्वपनय् ज्वनाः थःपिंत आक्रामकरुपं कारबाहीलय् लाकातःगु जानकारी ब्यूगु दु ।
उकिसनं न्यूज २४ च्यानलं वहे खँयात प्रचार प्रसार यानाबीवं जिमिगुप्रति नकारात्मक लिच्वः लाःगु व थुयालिपा थःपिं हे उपस्थित जुयां नं हिरासतय् कयाः मांम्हय्सिगु नामय् न्यागू लख व थःगु नामय् झिगू लख धरौटी तयाः पिहांवयेमाल ।

तर विदेशीतय्त धाःसा मात्रै न्यय्द्वः निसें निगू लख धरौटी कयाः त्वःताः हल । पसः चायेकाः मेगु हे व्यापार याये धयां नं याकेमब्यू । ल्याब टेष्टं नं ल्वाकः मज्याःगु धयागु खँ प्रमाणित जुलं नं थौंतक्क जिमित पसः चायेके मब्यूगुया हुनि छु ? धकाः उगु प्रेस सम्मेलनय् न्ह्यसः थंगु खः ।