नेवाः पत्रकारतय्गु बृहत्त भेला
येँ (झीगु स्वनिगः)
नेवाः पत्रकारतय्गु हक हित व अधिकारया नितिं सकल नेवाः पत्रकारय्गु मंकाः संगठन दयेकेगु नितिं ग्वसाः खलः दयेकेत वइगु शनिवाः नेवाः पत्रकारतय्गु छगू तःजिगु भेला याइगु जूगु दु ।
नेवाः संचारकःमि संयोजन पुचःया ग्वसालय् शनिवाः नेवाःतय्गु राष्ट्रिय संगठन नेवाः देय् दबूया ज्याकू ताम्सिपाखाय् २ बजेनिसें ४ बजे तक नेवाः पत्रकारतय्गु भेला जुइ । नेवाः पत्रकार राष्ट्रिय दबू नीस्वनेत ग्वसाः खलः दयेकेगु नितिं अथे भेला याये त्यनागु खः धकाः भेला ग्वसाः खलः नेवाः संचारकःमि दबुलिं जानकारी ब्यूगु दु । नेवाः देय् दबूया भातृ संगठनया रुपय् गठन जुइगु नेवाः पत्रकार दबूया ग्वसाः खलः नीस्वनेगु उगु भेलाय् फुक्क नेवाः पत्रकारतय्त उपस्थिति जुइत ग्वसाः खलकं इनाप याःगु दु ।
