‘लुटं’यात नेपालभाषाया अपमान
संकिपा बजारय् छगू न्हुगु संकिपा व:गु दु । व ख: - 'लुट' । खस नेपाली भाय्या थुगु संकिपा हलिउडया संकिपां प्रभावित जूगु संकिपा धका: खूब प्रचार नं यात । अले संकिपा बांला: धका: बजारय् हल्ला नं जुल । पत्रपत्रिकां नं च्वत । छगू पत्रिकां ला थुगु संकिपा तसकं बाला:गु श्रेणीइ तकं तल, गुगु पत्रिकां नेवा:तय् समर्थनय छगू श्ाव्द तकं च्वइमखु । आ: 'लुट'या खँ छाय् ले थन ? कि थ्वं मेगु लुट जकयात कि खयेफु संकिपा बांलाये नं फु हिट नं जुइफु तर थुगु संकिपा छुं जातिय नुग: नं स्याके फु । थुकी निदर्ेशकं उलि ध्यान बियात:गु मखु । थुगु संकिपा दुने नेवा: पात्र नं छम्ह दु - हाकुचा । धुवा पतिकं 'माम्पाखा' धका: नवाइम्ह थुम्ह पात्र । आ: 'माम्पाखा' धैगु मूल शव्द थुपिं मनूतय्सं थु हे थुल जुइ । थुगु संकिपां नेवा:तय् शव्दया गुकथं दुरुपयोग यात धका: । अले नेवा: पात्रयात गुकथं सम्बाद न्ववाकल उकिं नेवा:तय्त बेइज्जत यायेगु ज्या नं यात धका: । आ: छिकपिसं धाये फु छगू संकिपाय् छम्ह पात्रयात कया: नावाकात:गु खँय् छाय् कपा: स्याकेगु धका: थ्व फुक्क काल्पनिक ख: धका: संकिपा शुरु जुइ न्ह्य: आख: व:गु हे दु नि धका: नं धयादी जुइ । तर खँ उलिजक मखु । छगू जातियात क्वह्यंका: क्यनेगु नितिं हाकुचा नांया चरित्र हे काफी जू । अले वं नवाइगु सम्बाद 'मामपाखा' धका: म्हुतु वाकात:गु हे नेवा:तय्त हेपय् याकेत काफी जू । थौकन्हय् 'माम्पाखा' धैगु शव्द गैरनेवा:तय् दथुइ हिट जुयाव:गु दु । थ्व थज्या:गु हे संकिपाया प्रोत्साहन ख: । थुकिं झीगु कमजोरीयात क्यनी । थुज्व:गु खँय् सम्बन्धित निकाययात झीसं खवरदारी यायेमा: । संकिपा हलय् क्यने न्ह्य: सेन्सर यायेमा: । सूचना तथा संचार मन्त्रालय अन्तर्गत चलचित्र विकास बोर्डपाखें थुकिया सेन्सर पास यायेमा: । तर थुज्व:कथं न्वानातलं नं गथे पास जुल ले सेन्सर 'लुट' ।
'लुट' सेन्सरय् स्व:पिन्त 'लुट' याके मबीकं पास जूगु ला पक्का खइ मखु जुइ । थुलिजक मखु, थन टेलिभिजनया थीथी सिरियलय् विज्ञापनय् नेवा: पह: वयेक नवाका: नेवा:तय्त हिस्यायेगु यक्व ज्या या:गु दु । न्हापा थज्या:गु ज्या सन्तोष्ा पन्तं दकलय् न्ह्य:ने । लिपा यक्व विरोध जुइव सन्तोष पन्तं सन्तुलित रुपं थ:गु ज्याझ्व: न्ह्याकूगु ख: । थज्या:गु ज्याय् कलाकारपिसं उत्तम केसी, खेम शर्मा लगायत यक्व खस बम्हर्ु कलाकारतय्सं ला नेवा:तय्त हिस्यायेगु ज्या यक्व हे यात । थथे हिस्या:सां न्हिला च्वनेगु झीगु बानी ।
खय्तला 'बेमान' धाधां व:म्ह रवि डंगोल, मेम्ह नेवा: सविन शाक्य नं नेवा: पह: वयेक नवाना: यक्वं न्हिइकल । तर वय्क:पिं स्टार ला जुल । गुलिखे थासय् वय्क:पि नं मचायेक चुलूगु खनेदु । नेवा: विरोधी खँ मधा:सा मचायेक निदर्ेशकपिसं वय्क:पिन्त नं छ्य:गु खनेदु । थुकिया बारे रविं डंगोल थ:पिसं फतिं फक्क थम्हेसिया चायेका: गुव्लें नेवा: विरोधी सम्बाद नमवायेगु धका: धयादीगु ख: । आ: वया संकिपाय् 'माम्पाखा' तक धायेके धंुका: नं मेगु छु ल्यं दनि धका: । खय्तला पटकथा च्वयेबलय् क्यारेक्टर बायोग्राफीयात नं ध्यानय् तया: पात्रयात नवाकेगु याइ । तर थथे धायेवं छु नवाये ज्यू छु मज्यू उकियात ध्यान बी म्वा:ला ? आ: नेवा: भासं न्ह्यागु नवाकूसां जिल ला ले ? 'लुटं' लुटयात नेपालभाष्ााय् । थुकियात गुगु कथं कायेगु न्ह्यस: दंगु दु ।
- हिसी ज्यापू
More Stories Like this
कलाकारिताय् न्हय्न्यादँ बिके धुंकूम्ह भृगुराम श्रेष्ठ हङकङ अवार्डय् नेवा: फिल्म राजमतिनिसें किर्तिलक्ष्मीतकया यात्राय् हिसिला जिं खनाम्ह श्रीकृष्ण श्रेष्ठ चम्सुरीकथं नांजा:म्ह पल्पसा डंगोल
