वेश्यायात बेकमया मुद्दा
बेलायतया राष्टि्रय फुटबल टीमया छगू र्इया कप्तान नांजा:म्ह फुटबल कासामि डेभिड बेकमया वेश्यानापया यौन स्वापूया विषय छगू अमेरिकी पत्रिकां च्वयेवं बेकमया प्रशंसकतय् दथुइ छगू तहल्का हे मच्चे जूगु ख: । थ्वयां न्ह्य: इंग्लिस कासामि वाइन रुनी, रोनाल्डो व मेमेपिं फुटबल कासामिपिं नं वेश्यागमनया कारणं अतिकं चर्चाय् व:गु ख: । अथेहे गल्फया नम्वर वान कासामि टाइगर उड ला वेश्यागमन व परस्त्री गमणया कारणं थुलि बय्बय् जूगु ख: कि व उकिया नितिं करोडौं दां खर्च या:गु तथ्यांक नाप पिहाँव:गु ख: । लिपांगु इलय् नं टाइगर उड थुकथंया सम्बन्धया कारणं चर्चाय् वयाच्वंगु दु । थुगु हे इलय् विश्वया हे लोकंह्वा:म्ह फुटबलर बेकम नं छम्ह वेश्यानापया सम्बन्धया कारणं चर्चाय् व:गु दु ।
बोस्नियाय् बूम्ह देहव्यापारी इर्मा निसिं थम्हं डेविड बेकमनाप लण्डनया क्लेरिजेड होटलय् नापं द्यनागु व उकिया नितिं छगू चाया १०,००० अमेरिकी डलर बेकमं ब्यूगु खँ धा:गु ख: । अमेरिकाया छगू पत्रिकां देह व्यापारी निसिया खँ प्रकाशनय् ह:गु ख: । २६ दँया निसि तसकं हे आकर्षकम्ह देहव्यापारी ल्यासे मय्जु ख: । उगु पत्रिकां निसिया बेकमनापया यौन स्वापूया खँ नापं इमिगु मेमेगु सम्बन्धया बारे नं च्व:गु खँ धा:गु दु । थुकथं थ:प्रति छम्ह पेशेवर देहव्यापारीं यौन स्वापू तयागु खँ सार्वजनिक यायेवं इंग्लिस कासामि डेविड बेकमं थ:प्रति मानहानी जूगु धासें उम्ह ल्यासे निसि व वया खँ प्रकाशनय् ह:गु पत्रिका विरुद्ध २ गू करोड ५० लाख डलरया मानहानी मुद्दा दर्ता यानागु खँ धा:गु दु ।
थौंकन्हय् अमेरिकाया लस एन्जेलस ग्यालेक्सी नांया क्लवनाप आवद्ध जुयाच्वंम्ह फुटबलस्टार बेकमं थ:म्हं निसि धैम्ह मिसा गुबलें नाप मलानागु व म्हतकं मस्यूम्ह धका: धा:गु दु । बेकमं निसिं धा:गु इलय् इमिसं शारीरिक सम्पर्क तयागु धा:गु होटल दुथाय् क्षेत्रय् तकं मदुगु खँ प्रमाणित यायेफुगु खँ कंगु दु । निसिं थल्नाप यौन स्वापू तयागु धका: धयात:गु इलय् थ:म्हं मफुम्ह अबुयात स्वयेत अस्पतालय् वनाच्वनागु खँ धा:गु ख: । थुकथं छम्ह वेश्यानाप यौन स्वापू त:गु खँ समाचारय् वयेवं फुटबलर डेविड बेकम नं गनं धात्थें हे वेश्यागमनय् ध्यबा खर्च जक यानाच्वंगु ख:ला कि धका: नं शंका यानाह:गु दु । स्वम्ह काय्या बौ जुइ धुंकूम्ह प्रसिद्ध सांगीतिक समूह स्पाइस गल्र्सया छम्ह दुज: भिक्टोरिया वया कला: ख: । थज्या:गु खँ बजार क्वानाच्वंबलय् परिवारय् नं तनाव उत्पन्न जुइफु । बेकमया तिरिमय्जु भिक्टोरियां बेकम निसिनाप यौन स्वापू त:गु धका: पिहाँव:गु खँय् थ:त छुं नं कथंया ध्यान साला मका:गु धासें थ्व पूर्णत: गलत व न्यने हे मय:गु खँ ख: धका: टिप्पणी याये धुंकूगु दु । छखे वेश्या निसिं थ: डेविड बेकमनाप यौन सम्बन्ध तयागु व उकिया वापत छचाया १० å: डलर बेकमं पूगु दावी यानाच्वंगु दु धा:सा मेखे बेकमं थुगु खँ फय्गं ख: धासें अदालतय् निसिया विरुद्धय् २ करोड ५० गू लख दांया मानहानी या:गु बापत क्षतिपूर्तिया माग यासें नालिस त:गु दु । आ: छम्ह फुटबल स्टार व छम्ह वेश्याया दथुइ कानुनी लडाइँ न्ह्या:गु दु । आ: सुयागु पोष्टय् सुनां गोल थ्वाइगु ख: व स्वये धा:सा ल्यं हे दनि । कासा ख्यलय् हिटम्ह बेकम कानुनी ख्यलय् गय् जुइ स्वये मानि ।
More Stories Like this
समाजसेवी दिलशोभापाखें सुभाय् देछा जय श्री संगीत समाजया ज्व:मदुगु ज्याझ्व: पुलांगु येँ शहर विकासया नितिं जागरण अभियान जागरणया न्हापांगु अधिवेशन नेवा: जागरणया सरोकार, लँतब्या यायेगु नामय् आदिवासी विस्थापित यायेमते
