इरानया चिकं मन्यायेगु/मन्याकेगु अमेरिकी नीति
इरानं थगु परमाणविक संयन्त्रया ज्या मदिकूगु धासे अमेरिकां इरानप्रति कडा नीति कायेगु खँ क्वछ्यू कथं व इरानपाखें कच्चा चिक मन्याइगु व ममेगु देय्यात न उकथं हे यायेत छगू कथं दवाव व्यूगु दु । इरान गुगु नं इलय् परमाण्ाविक हतियार दयेकेगु धासे अमेरिका व वया सम्बन्ध देय्तय्सं थुकथं इरानं चिकं मन्याकेगु निति हया: छगू कथं इरानया चिकं निर्यातय् नाकाबन्दी तयाव्यूगु दु । थुकिं विश्व बजारय् चिंकया भा: थाहा वनीगु संकेत क्यंगु दु । विश्व अर्थतन्त्रय् बामला:गु अवस्थाय् वनाच्वगु इलय् चिंकया भावं याना: अझ बांमला:गु स्थिति पिहां वइगु खनेदु । इरानया मामलाय् अमेरिका व वया सम्बद्ध देय्त न्ह्याबलें सशंकित खनेदु । थुकिया हे कारणं इरान इराक युद्ध जुल । ८० या दशकय् दकलय् ताहाक जूगु थुगु युद्धय् अन यक्व धनजन क्षति जुसां अमेरिका निख्यर लव काल । अनंलि थ:पिसं हे अरब जगतय् स्थापित या:म्ह सद्धाम हुसेनया हाइट अप्वया वनेवं वयात ठीक यायेया नितिं थीथी त्वह चिना: इराकय् आत्रmमण याना: सद्दाम हुसेनयात अनया अदालतं मृत्युदण्ड सजाय न्यंके बीगुली तकं अमेरिकां महत्वपुर्ण भूमिका म्हितूगु ख: । खय्तला वंगु लाय् अमेरिका इराकपाखें थ:गु सेना लित यंके धुंकूगु दु । तर वं कुबेतय् थ:पिनि अखाडा धा:सा त्व:तुगु मदुनि । थुकिं मध्य एशियाय् अमेरिकी सेनाया उपस्थिति दयाच्वनीगु खँ नं स्पष्ट या:गु दु । खय्तला इराक आत्रmमण्ा या:बले नं अमेरिका इराकय् जैविक हतियार सुचुकात:गु दावी या:गु ख: । तर अनया फुक्क मिसन क्वचाये धुंका: नं इमिस गुगु नं थासय् गुगुं कथंया हतियार लुइके फुुगु मखु । थ्व त्वहया नितिं जक त्वह: धका: प्रमाणित जूगु दु ।
आ: निशानय् इरानयात लाकेगु नितिं अमेरिकां गुकथं छि उकथंया योजना दयेका यंकूगु खनेदु । इरानया चिकं न्याये मदइगु छगू त:धंगु आर्थिक समस्या वइगु खनेदु । चिकं व ग्यासया माध्यमं ध्यवा कमे यानाच्वंगु थ्व देय्या मू आर्थिक आधारय् अमेरिकां धावा बोले या:गु दु । मेखे इरान नाप कच्चा चिकं न्याये चाहे जूगु देशतकं इरानं चिकं न्यायेत न्हय्क्व: विचा: यायेमाली । इरानं चिक न्यायेगु धैगु अमेरिका नाप शत्रुता बढे यायेगु ख: । थुकि गुगुं नं देश दुस्साहस यायेत स्वइमखु छगू निगू अपवाद बाहेक । लिपांगु इलय् इरानं दकलय उप्व: कच्चा चिकं न्याना च्वंपि चीन व भारतं नं पुनर्विचार याना बैकल्पिक देय्पाखें चिकं दुत हयेगु तयारी याये धुंकूगु दु । चीनया प्रधानमन्त्री वेन जियाबाओ छुं दिं न्ह्य: तिनि थुकिया नितिं हे कतार व ओमानया भ्रमण्ा यायेगु चर्चाय् व:गु दु । विश्वया आर्थिक शक्तिकथं थहावयाच्वंगु चीनयात नं थ:गु बनेज्या विश्व व्यापारिकरणया नितिं अमेरिकी समर्थनया जरुरी दु । उकिं चीन नं अमेरिकी नीतियात हाचां गायेगु आँट याये फइ ख्वा: मव: । अथे जुया: न चीन इरानपाखें कयाच्वंगु चिक बन्द याना मेगु देय पाखें दयेत्यंगु जुइमा: । आ: भारत नं थुकथंया हे नीति ज्वनीगु खँय् निगु मत मदु । अमेरिका इरान कच्चा चिक मन्याकेगु, मन्याकेगु निति बल्लाका यंका च्वने बले इरानं धा:सा थज्या:गु स्थिति अनया होगर्ुज जलमार्गय पंग: थनेगु खँ पित हगु दु । विश्व बजारय् पिहां वनीगु यक्व ब्व चिक थुगु हे लँपु जुया: वनीगु ख: । यदि इरान होमर्ुजया लँ पनाविल धा:सा हाकनं मेगु घटनात्रmम विकास मजुइ धायेमफु । इरान अमेरिकाया मेगु निशाना नं जुइफु । इरानं कच्चा चिकं पिहां मवनेव विश्वया चिकं भा: अझ थाहां वनेफु । थुज्व:गु अवस्थाय् विश्वया अर्थतन्त्र गुज्व:गु गति काइ व ला स्वये हे मानि अथे जुसां थुकि नकारात्मक लिच्व: लाकिगु सम्भावना यक्व हे खनेदु ।
More Stories Like this
नेवा: आन्दोलनया उपलब्धी जनजाति आन्दोलनय् नेतृत्वया सवाल सामुद्रिक रेशमया लँ सम्बन्धी न्हापांगु एक्स्पो जनजाति आन्दोलनय् पद्मरत्नया नेतृत्व हिन्दूराष्ट्रया खँ आ: छाय् ?
