‘स्वयेगु मखुला’ ५० ब्वया विशेष ज्याझ्व:

नेपालभाषा टेलिसिरियल स्वयेगु मखुला ५० व्व थ्यनीगु लसताय्‍ उगु सिरियलया निर्माण संस्था चिराग फिल्मस्‍ प्रोडक्सनं छगू त:जिगु ज्याझ्व: याइगु जूगु दु ।
ख्यालिजुजु मदनकृष्ण श्रेष्ठया मूपाहाँसुइ जुइ धयात:गु उगु ज्याझ्वलय्‍ ४६ गू ब्व तक उगु सिरियलय्‍ थीथी ज्या यानादीपिन्त मतिनाया चिं ल: ल्हाइगु नाप मेमेगु नं ज्याझ्व: दुगु खँ निर्माण पक्षँ धा:गु दु । एनटिभी प्लसय्‍ प्रशारण जुयावयाच्वंगु 'स्वयेगु मखुला' चिहाक:गु इलय् स्वकुमितय्‍ दथुइ लोकंह्‍वा:गु सिरियल ख: । रवि डंगोल, मञ्जु श्रेष्ठ, रुपेन श्रेष्ठ, प्रेमा शाक्य, नारायणदेवी ग्वनी, नगिना जोशी, शुसिल राजोपाध्याय, ह्दयप्रसाद मिश्र, कृष्णभक्त महर्जन, सुनिता ठाकुर, हरिमान दिवाकर, विनिता महर्जन, रत्नकाजी 'लुनिभा' लगायात कालाकारपिसं थीथी भुमिका म्हिताव:गु ख: । अथेहे थुकिया च्वज्या, सुरेन्द्र तुलाधर, पुष्प श्रेष्ठ व शुशिल राजोपाध्यायं च्वयाव:गु ख:सा अमृतचन्द्र श्रेष्ठया निदर्ेशन दुगु थुगु सिरियलय्‍ रत्नकाजी 'लूनिभा' मुख्य सहायक निदर्ेशकया ज्या यानाव:गु ख: । गुणराज शाक्यया छायांकन, सुनिल ताम्रकारया सम्पादन दुगु सिरियलया लोगो म्ये 'लुनिभां' च्वयादीगु ख:सा थुकिया संगीत गोविन्द हयूमतया ख: । रत्नशोभा महर्जन व माणिक शाहीं थुकी स: बियादिगु दु । 'स्वयेगु मखुला' ५० व्वतक बांलाक न्ह्‍या:गु दु । स्वकुमितय् प्रतित्रिmया नं बाला:गु हे वयाच्वंगु खँ नं सीदुगु दु । 'स्वयेगु मखुला' लिपा तकं नं स्वया च्वने दयेमा धका: मनं तुसें ५० क्यने त्यंगु लसताय्‍ भिंतुना देछाये ।

More Stories Like this