मुस्ताङया लोकपि्रयता प्रम बाबुरामं ल्यंके मफुगु ख: ला ?
"ध्वंचा छम्ह शहरय् ला: व:बलय् धोब्याया नीर तयात:गु पुखुली कुतुं वन । अनं पिहाँ वया: म्ह छम्हं वँचुसे च्वंसेंलि व हानं जंगलय् लिहाँ वना: सकसियां न्ह्य:ने थ:त जुजु घोषित यात । मेपिसं माने नं यात । तर बहनी ध्वंचात 'ति हू हू... हू...' हालाह:बलय् वं नं पीमफुत अले थ:पिसं नं उकिइ स: ल्वाक छ्या:बलय् वयागु हैसियत नं सकसिनं सिल ।"
प्रधानमन्त्री डा. बाबुराम भट्टरार्इया सम्बन्धय् सभासद् तीर्थराम डंगोलं कनादीगु थ्व खँ पाय्छि हे थें खनेदु । आपालं ब्वनात:म्ह स:स्यूम्ह, अझ छुं याये धका: नं धइम्ह ख: । अझ अर्थमन्त्री जूबलय् नं छुं याना: क्यंम्ह ख: । अथेजूगुलिं वय्क: प्रधानमन्त्री जुइवं आ: छुं जुइला धका: आशा नं का:गु ख: । मनूतय्गु आशायात ल्वयेक हे वय्कलं विदेशी पाटपुर्जा जूसां स्वदेशय् हे निर्मित 'मुस्ताङ' गाडी गया: छगू लहर हे पिथनाब्यूगु ख: । तर प्रधानमन्त्रीं 'मुस्ताङ' गाडी ग:सां मन्त्री व सचिवतसें मर्सिडिज गाडी हे गयाब्यूबलय् प्रधानमन्त्रीया 'मुस्ताङ' गाडीया लहर नं तनावन । छाय्कि प्रधानमन्त्रीं 'मुस्ताङ' ग:गु लहर वय्क:या मन्त्रीतय्के व कर्मचारीतन्त्रय् हे मथ्यं धा:सा जनताया दथुइ जक लहर बलाना च्वनेमा: धइगु गुकथं जुइ ? तर खँ मुस्ताङ गाडीइ जक सीमित मजू । प्रधानमन्त्री डा. बाबुराम भट्टरार्इ नं चिचीधंगु चीजय् ध्यान तल धका: नं न्हापा चर्चा जूगु ख: धा:सा आ: थ्वहे 'म्वा: मदुगु' खं याना: वय्क: अलोकपि्रय जूवंगु दु । दकलय् न्हापांया राजनीतिक रुपं थ्व सरकारयात विरोध याइपिसं थ्व सरकार मधेसी मोर्चानाप अपवित्र गठबन्धनय् आधारित सरकार धयाच्वंगु दु ।
मधेसी मोर्चानाप जूगु सम्झौताय् १०å: मधेसी युवातय्त सेनाय् भर्ती यायेगु खँयात सकसिनं हे राष्ट्रघाती धयाच्वंगु दु । थ्वयां ल्यू भारतनाप जूग विप्पा सम्झौतायात नं माओवादी पार्टीया मोहन वैद्य 'किरण्ा' पक्ष्ां व जुजुवादीतसें राष्ट्रघाती धका: विरोध यानाच्वंगु दु ।मेखे लोडसेडिङ मेमेगु सरकारयात अलोकपिय दयेकूथें थुगु सरकारयात नं अलोकपि्रय दयेकूगु ला दहे दु, नापं थर्मल प्लान्ट झिके यायेगु धइगु खँ पिहाँ व:बलय् थुकिं थुगु सरकारया मन्त्रीत कमिसनया चक्करय् लगे जूगु धका: उतिकं हे विरोध जुल । ओखल ढुंगाया माओवादी सभासद् बालकृष्ण ढुंगेलयात राष्ट्रपतिपाखें आममाफी बीकेगु नितिं सरकारं या:गु सिफारिश नं उतिकं हे विवादित विषय जुल । थुकी राष्ट्रपतिया थाय् नं पौ थ्यन, तर राष्ट्रपतिं थुकी छुं यायेम्वायेक सर्वोच्च अदालतं हे कार्यान्वयन मयायेगु आदेश बिल । तर ओखलढुंगाया उज्जैनकुमार श्रेष्ठया हत्या जूगु केसय् ला:म्ह बालकृष्ण ढुंगेलया विषययात कया: सरकार व माओवादी पार्टीया त:धंगु हे विरोध व आलोचना जुल ।
थुलि जक मखु, आ: वया: शहीद गेटय् च्वंगु त्रिभुवनया सालिक चीका: नारायणहिटी संग्रहालयस तये यंकेगु धइगु खँय् नं सर्वोच्च अदालतं निर्णय कार्यान्वयन मयायेत आदेश जारी या:बलय् सरकार ह्वतय् हे लात । जनजातिया सवालय् नं थुगु सरकारं राज्यपुनर्संरचना व राज्यशक्तिया बाँडफाँड समितिं तयार या:गु प्रस्ताव प्रतिवेदनयात लागू यायेत न्ह्यायेगु पलेसा विज्ञ पुच: दयेकेगु धका: न्ह्यच्यूगुलिं जनजातित प्रधानमन्त्री खना: रुष्ट जूगु ख: । लिपा विज्ञ पुच:यात सुझाव जक बीगु पुच: माने यायेगु याना: दयेकूसा जक मान्य जुइ धका: जनजातितसें धा:बलय् अथे ख:सा विधेयक हे लित कया: राज्य पुनर्संरचना आयोग हे दयेकेगु खँय् न्ह्यच्यूगु जूगुलिं जनजातित झन् हे रुष्ट जुल । आ: सडक विस्तार यायेगु नामं आदिवासी स्ववासीपिनिगु छेँ थुनेगु ज्या यानाच्वंगु व पेट्रोलियम पदार्थया भा: थका:गु हुनिं डा. बाबुराम भट्टरार्इ व वय्क:या सरकारया तच्व:गु विरोध जुयाच्वंगु दु । तर सरकारं जनताया स: मता:छु यानाच्वंगु व थ्व विषयलय् सुं नापं खँ तकं मल्हासे न्ह्यायेगु प्रम डा. भट्टरार्इया रवैया खना: छगूकथंया तानाशाही व्यवहार क्यनाच्वंगु दु । प्रधानमन्त्री भट्टरार्इ भारत भ्रमणय् वना: विप्पा सम्र्झाता याना: लिहाँ वयेधुंका: नेपालय् प्यंगू राजनीतिक दलतय्गु दथुइ ७ गू बुँदाया सम्झौता जुल । थुकिं शान्ति प्रत्रिmया व संविधान दयेकेगु ज्याय् प्रगति जुया: क्वचाइगु संकेत पिहाँ वया: सकलें लय्ता:गु नं ख:, तर थ्व खँ ला सरकारयात अहंकारग्रत दयेकेगु जक ज्यायात । थुकिं हे आपालं खँ स्यनावनाच्वंगु खनेदुगु दु । दकलय् ला शान्ति सुरक्ष्ााया अवस्था हे नाजुक जुयावन । थ्वहे झ्वलय् स्वम्ह लुँ व्यापारीपिनिगु हत्या जुल । जेलय् तकं असुरक्षा जूगु धका: बन्द विरोधी धका: धायेके य:गु पार्टी नेपाली कांग्रेसं हे नेपाल बन्द यात । हानं सरकारं थ्वहे बन्दय् क्वछुया: सीम्ह मनूयात शहीद दयेकेगु वयात लानाच्वंगु मुद्दा हे लित कायेगु प्रत्रिmया न्ह्याकल । उगु मुद्दा हे लित काल धायेवं मेपिं नं छुटे जुइगु जुल । थुकथं शान्ति व संविधानया ज्याय् दत्तचित्त जुया: लगे जुइमा:गु सरकार अनेक खँय् तक्यना: बदनाम हे जुयाच्वने धुंकूगु दु ।
More Stories Like this
नेवा: आन्दोलनया उपलब्धी जनजाति आन्दोलनय् नेतृत्वया सवाल सामुद्रिक रेशमया लँ सम्बन्धी न्हापांगु एक्स्पो जनजाति आन्दोलनय् पद्मरत्नया नेतृत्व हिन्दूराष्ट्रया खँ आ: छाय् ?
