नेवा: जागरणया सरोकार, लँतब्या यायेगु नामय् आदिवासी विस्थापित यायेमते
सरकार यक:ति रुपं येँ देसय् सवारी जाम म्ह्व: यायेगु धका: लँ तब्या यायेगु नामय् नेवा:तय् छेँ थुना: ह:गुया सवालय् नेवा: जागरण मञ्चं सरोकार क्यंगु दु । वंगु शनिवा: क्षेत्रपाटी पार्टी प्यालेसय् छगू बृहत भेला ग्वसा: ग्वया: नेवा: जागरण मञ्च स्वनिग:या आदिवासीतय्त थ:गु हे थासं सुकुम्बासी यायेत्यंगु सरकारीया पला:या विरोध यासें आन्दोलनय् गुकथ कुहां वनेफइ धइ कथंया खँ नं जूगु ख: । येँ देय््या फुक्क क्षेत्र उगु ज्याझ्वलय् यक्व मनूतय्सं सहभागिता क्यंगु ख: । नेवा: जागरण मञ्चया संयोजक सुजिव बज्राचार्यया सभापतित्वय् जूगु उगु ज्याझ्वलय् नेवा: स्वायत्त राज्य मंका: संघर्ष समितिया नाय: नरेशवीर शाक्य, सभासद तीर्थराम डंगोल, नेकपा ( एमालेया केन्दीय दुज: नापं पुलांम्ह मन्त्री कृष्णगोपाल श्रेष्ठ, नेवा: न्ह्यलुवा विज्ञ डा. महेशमान श्रेष्ठ, महाराजगञ्ज, भुइज:सि लागाया संघर्ष समितिया नाय: दिपक क्षेत्री, लाजिम्पाट लागाया संघर्ष समितिया नाय: जिएन शर्मा, पकनाजोल संघर्ष समितिया नाय: किरण अमात्य नापं नेवा: जागरणया संस्थापक सल्लाहकार पारस ताम्रकारयात मञ्चय् ब्वनेगु ज्या जूगु ख: । थ:गु नुग: ख: तयेगु झ्वलय् नेवा: जागरण मञ्चया संयोजक सुजिव बज्राचार्यं तरार्इलय् किसि आतंक धा:थे येँ देसय् बुलडोजर आतंक न्यना च्वंगु खँ न्ह्यथनादिसे सरकारं यक:ति रुपं जनताया छेँ थुना: लँ तब्या यायेगु गुगु ज्या यानाच्वन व तसकं हे मज्यूगु ज्या जुल धासे थुकिया नितिं सकलें आन्दोलनय् कुहां वये मा:गु खँय् ब: बियादिल । झीसं यक्व सह याये धुन, आ: झीथाय् छेँ थुनेत वल धा:सा दक्कले न्हापा बुल्डोजर च्याकेगु जुइ धइगु ख्याच्व: बिसें वय्कलं धयादिल खय्तला बन्द ज्याझ्व: झीत नं अपि्रय तर थुज्व:गु इलय् झीसं बन्दया नं ज्याझ्व: तये माले फु । आन्दोलनया स्वरुपया बारे कनादिसें वय्कलं धयादिल झीसं आ: गुगु लँ तव्या यायेगु नामय् छेँ थुनेगु ज्या जुयाच्वन व तत्काल दिकेमा: । देय् संघीयताय् वनीगु धाये धुंकूगु दु । थ्व र्इ संविधान च्वयेगु र्इ ख: । उकिं थन न्हू संविधान वये धुंका: थन वइगु प्रादेशिक सरकारं हे थनया विकास निर्माण्ाया ज्या याइ । उकिं आ: थुकथं छेँ थुना: जनतायात आतंकित यायेगु ज्या दिकेमा: धका: फुक्कसिनं छ स: तया: न्ह्यज्यायेमा:गु खँय् वय्कलं ब: बियादिल ।
उगु ज्याझ्वलय् थ:थ:गु थासं नेतृत्व यानादीपिं जिएन शर्मा व दीपक केसीं नं थ:गु नुग: खँ तयेगु झ्वलय् सरकारं गुकथं सडक किनारया छेँ थुना: आतंक न्यंका च्वन उकिया विरोध यानादीगु ख: । वय्क:पिसं पञ्चायतकालिन एेन पिकया सडक विस्तार यायेगु ख:सा पञ्चायत व्यवस्था नं लित ह:सां ज्यू धइकथंया खँ नं तयादीगु ख: । थुकिया नितिं थ:पिं सत्रिmय जुया: आन्दोलनय् न्ह्यानाच्वनागु खँ नं कनादिल । अथे सडक विस्तारया नामय् जुयाच्वंगु आन्दोलनय् थ:पिनि भूमिका बारे नेवा: स्वायत्त राज्य मंका: संघर्ष समितिया नाय: नरेशवीर शाक्यं नं स्पष्ट खँ तयादीगु ख: । ज्याझ्वलय् सभासद तीर्थराम डंगोल व एमाले नेता कृष्णगोपाल श्रेष्ठं नं थ:गु नुग: खँ प्वंकादीगु ख: । अथे हे नेवा: मुक्ति मोर्चाया महासचिव पवनमान शाक्यं नं सरकार यानाच्वंगु जनता आतंकित यायेगु ज्याया विरोध यानादीगु ख: । लय् छगू महत्वपुर्ण सवालय् अन्र्तत्रिmया यायेगु झवलय् थौकन्हय् नेवा:तय् दकलय त:धंगु समस्यायात कया: नेवा: जागरणं थुगु ज्याझ्व: या:गु ख: । नेवा: हकहितया नितिं न्ह्याब्ले न्ह्यज्याना च्वंगु नेवा: जागरण मञ्चं थुगु विषययात कया: न्हापानिसें हे आन्दोलनया ज्याझ्व: तयेगु विचा: यानाच्वंगु ख: । आन्दोलनया नितिं पीडित मनूतय्त नं छथाय् मंुका: उकिया बारे स्पष्ट थुइका: न्ह्यज्याये मा:गु खँयात ध्यानय् तया: थुगु ज्याझ्व: या:गु ख: । ज्याझ्वलय् ब्वति का: झापिं उप्व: धइथें पीडितपिसं थ:पिन्त जुयाच्वंगु पीडा कनेगु नापं गुकथं थ:पिनि छेँय् पनेगु ज्या याये फइ अथवा छेँ थुनिगु अवस्थाय् नं गुकथं थ:पिसं मुआव्जा कायेफइ धैगु खँय् सहलह जुयाच्वंगु ख: धा:सा सकसिनं थ:पिनि अधिकारया निति संघर्ष याये मा:गु सवालय् धा:सा छप्वा: म्हुतंु सहमत जूगु दु ।
ज्याझ्वलय् बुलडोजर आतंकया विरोधय् संघर्ष यानाच्वंपिसं छगू पर्चा नं इनेज्या या:गु ख: । उगु पर्चाया सरकार सडक विस्तारया नामय् प्राचीनकालनिसें थन च्वनावयापिं आदिवासीतय्त विस्थापित यायेत दयेकात:गु हाकुगु कानुनया विरोध यासे जिपिं गुगु नं हालतय् विस्थापित जुइ फइमखु धका: उल्लेख यानात:गु दु । शहर दयेकेगु मापदण्डया नामय् २०३३ सालय् निरंकुश पंचायत व्यवस्थाया इलय् दयेकात:गु उगु एेनय् पञ्चायत व्यवस्थाया भरौटेतय्सं स्थानीय मनूतय्त विस्थापित यायेत हे दयेकात:गु खनेदु धका: उगु पर्चाय् उल्लेख यानात:गु ख: । थुगु हाकु जनतामार कानुनकथं त्रिपुरेश्वरनिसें भुइज:सितक, थँवहीनिसें गोंगबँुतक, लैनचोरनिसें ल्हुतितक सडकया ११ मिटर सेन्टर प्वाइन्ट ज:ख: छेँ थुना: विनास यायेगु ज्याया विरोध यासें विरोध जुलुस व सभा याना वयागु खँ नं जानकारी वियात:गु ख: । २०३४/३५/३६ सालया घट्नात्रmमया लिपा लगभग निस्त्रिmय जुइ धुंकुगु थ:गु कानुन आ: हानं सत्रिmय यानाह:गु खँय् आपति क्यसें थ्व मानव अधिकारया खँ नापं जूगु हुनिं थ:पि थज्या:गु मानवअधिकार विरोधी ज्याया विरोधय् अन्तर्राष्टि्रय अदालतय् तकं मुद्दा त:वनेगु अधिकार दुगु खँया नं ध्यानकर्षण यानात:गु दु ।
थुकथं पीडित जनतां आन्दोलनया निरन्तरता बीगु खँय् व: व्यूगु दु । आ: नेवा: जागरण मञ्च थुगु आन्दोलनय् नेतृत्वदायी भुमिका म्हिती । थुगु झ्वलय् थीथी थाय्या थीथी व्यक्तिया नेतृत्व कमिटि नं स्वनेज्या जूगु दु । व थुकथं दु (
१. न्हुछेबहादुर श्रेष्ठ ( सतुंगल
२. दिपक के.सी ( चत्रmपथ, महाराजगंज
३. किरण आमात्य ( पकनाजोल
४. जिएन शर्मा ( लाजिम्पाट
५. राजेन्द्र श्रेष्ठ ( रातोपुल
६. राजु श्रेष्ठ ( कालिमाटि
७. बालकृष्ण श्रेष्ठ ( बुढानिलकण्ठ
८. विष्णुहरि थापा ( तिनथाना, कलंकी
९. सुर्य बहादुर नकर्मी ( थानकोट
थुकथं थीथी थासय् संघर्ष समिति स्वना: आन्दोलन न्ह्याके धुंका: नं सरकार बुल्डोजर आतंक दिकेगु खँ ल्हा:गु तक मदुनि । छंु नं थाय्या विकास निर्माणया सवालय् निर्णय कायेत स्थानीय सरोकारवाला मनूतय् नाप सहलह याना: जक यायेमा:गु ख: । तर आतक सरकार दु कथंया सल्लाह योजना दयेकत, उकियात कार्यान्वयन यायेत अले ता: र्इ तक गुकथं उपभोग यायेगु उगु सवालय् सरकार सरोकारवालातय् नाप न्हापां वार्ता नि यायेमा: । मयात धा:सा थुकि त:धंगु आन्दोलनया रुप काइ थुकी निगु मत मदु । नेवा: जागरण मञ्चया आज्जु नं ख हे ख: । नेवा: हक हितया निति सदां ज्या याना च्वनेगु ।
नेपा: राष्टि्रय पार्टीया नं विरोध
अथेहे नेपा: राष्टि्रय पार्टीं नं वंगु शनिवा: थनया तलेजु पार्टी प्यालेसय् स्वनिगलय् सडक विस्तार यायेगु नामय् जुयाच्वंगु आतंकयात तत्काल दिकेगु मागयासें छगू अन्तत्रिर्mया ज्याझ्व: यात । पार्टीया नाय: डा. केशवमान शाक्यया सभापतित्वय् जूगु उगु ज्याझ्वलय् सडक तबाला यायेगु ज्यां पीडित जुयाच्वंपिं छेँ थुवा:पिसं थ:थ:गु नुग:खँ तयादीगु ख: ।
अथेहे संघर्ष समितिया नाय:पिसं नं थ:थ:गु खँ तयादीगु ख: । नेपा: राष्टि्रय पार्टीं विकासया नामय् आदिवासी जनजातितय्त विस्थापित यायेगु ज्या तत्काल दिकेमा:गु माग यासें पर्चा नं पितब्यूगु दु ।
More Stories Like this
समाजसेवी दिलशोभापाखें सुभाय् देछा जय श्री संगीत समाजया ज्व:मदुगु ज्याझ्व: पुलांगु येँ शहर विकासया नितिं जागरण अभियान जागरणया न्हापांगु अधिवेशन वेश्यायात बेकमया मुद्दा
