सभासद् गुप्ता अपहरणकारी नाय:, डिआर्इजी कोइराला ज्यानमारा
नेपा:या सभासदतय् आपराधिक त्रिmयाकलापया सवालय् यक्व खँ त पिहां व: । ह्याउँगु पासपोर्टया सवाल ला सामान्य जुइधुंकल । अले थीथी आपराधिक ज्यानाप स्वाना: ग्व:म्ह सभासदतय् मुद्धा तकं चले जुयाच्वंगु खँ न्ह्यथने बह:जू । गुम्ह मनू सीक्क स्वनिगलय् जूगु बम हमलाया नाय: धयात:म्ह आरोपी बबन सिंह याउँक सभासद हे जुयाच्वंगु दु । छगू इलय् प्रहरीं मालां माले मफयाच्वंम्ह थुम्ह सभासद् संविधानसभा भवनय् ततसलं हालाच्वनं नं तायेके मफुत । अथे हे ग्व:म्ह सभासद्पिं ज्यान मानर्े अभियोगया मुद्दा म्हिताच्वंपिं नं दु धा:सा गुलिखे सभासदपिं थ:गु कितर्े ज्यानाप तस्करीया ज्याय् लगे जुयाच्वंगु खँय् अदालतय् तारिख बुझे यानाच्वंगु दु । थुलि जक मखु उपप्रधानमन्त्री तकं जुयाच्वंम्ह बिजय कुमार गच्छेदार नं भ्रष्टाचारया मुद्दाय् तारिख थामे याना: वयाच्वंगु दु । थुकिया हे झ्वलय् मेगु छगू अपराधिक खँया पर्दाफास जूगु दु श्यामसुन्दर गुप्ता । पुलांम्ह आपुर्ति मन्त्री नापं थौकन्हय्या सभासद अले सद्भानावना पार्टी आनन्दी देवीया नाय:या नेत ृत्वय् जूगु अपहरणकाण्ड ।
खय्तला अदालतं प्रमाणित मयातले अभियुक्तयात दोषी धायेगु अधिकार मदु । अथे जूसां नेपाल प्रहरीं न्ह्यब्व:गु प्रमाण्ाया आधार स्वये धंुका: श्यामसुन्दर गुप्ताया असली ख्वा:पा: खनेदुगु दु । व छम्ह व्यापारी पवन सिंघलया अपहरण्ाया मू योजनाकार नाप अपहरण ज्याय् प्रत्यक्ष ल्हा: दुम्ह मनू धका: । वया हे आदेशय् वया मनूतय्सं पवन सिंघलयात अपहरण याना यंका: गाडीयात थ:गु हे गाडिं स्कर्टिङ याना: काभ्रेतक थ्यंकूगु नं ख: धका: वया मनूतय्सं वया हे न्हय:ने सकारे याये धुंकूगु दु । थुकथं पवन सिंघलया अपहरण व करोडौं तकाया वसुलिया भण्डाफोर जुइ धुंकूगु दु । अपहरणय् संग्लन आकाश लामा व विकास लामापिसं स्पष्टरुपं श्यामसुन्दर गुप्तायात हे क्यना: वया: हे निदर्ेशक मनू उठे यानागु अले सुनां मखंथाय् यंका:गु खँय् साबिति बयान बी धुंकूगु दु धा:सा गुप्ताया ड्रार्इभरं नं थुकथंया बयान बी धुंकूगु दु ।
थुकि श्यामसुन्दर गुप्ताया ज्या छु ख: धका स्पष्ट याये धुंकूगु दु । थ: पार्टीया नकिं मय्जु आनन्ददेवीयात अपहरण याना: सुचुका: पार्टीया अध्यक्ष जूगु, मन्त्री जूगु åपं फ:म्ह थुम्ह सभासदया लिपांगु त्रिmयाकलापं व थ:गु इतिहासय् नं गुलि आपराधिक ज्या याना वल धैगु खँ स्पष्ट जुइ । श्यामसुन्दर गुप्ता आपूर्तिमन्त्री जुयाच्वंबलय् खँ जू कथं ध्यबा उठे मजुसेंलि व सिंघलयात अपहरण याका: फिरौती वसुले यायेत थ:हे वंगु खँ पिहां व:गु दु । थुकिं छम्ह जिम्मेवार दलया अध्यक्ष सभासद अले पुलांम्ह मन्त्रीया कतर्ुतया भण्डाफोर जूगु दु । उप्व: धैथें संकिपाया दृश्य जक स्वये दइगु दृश्य थुपाले नेपा:या राजनीति स्पष्ट रुपं खनेदत । उकिं नेपालय् नेतागिरी यानाच्वंपि छथ्व: नेतात गुगु कथं नेतृत्वय् थ्यन अले इमिसं थ:पिनि आपराधिक त्रिmयाकलापयात राजनीतिया ख्वापालं गुलितक त्वुपइत ता: लानाच्वन धैगु क्यंगु दु ।
मेखे सशस्त्र प्रहरीया नायव उपरीक्षक थुज्व:गु पदय् च्वना: नं मानवीय संवेदनशीलताय् न्ह्यस:चिं दनीकथं थ:हे कला:यात स्या:गु घटनां याना: समाजय् हे बांमला:गु संदेश वंगु दु । डिआर्इजी रञ्जन कोइराला छम्ह अपराध नियन्त्रण्ा याइम्ह उच्चपदस्थ व्यक्ति ख: । तर स्वयम् अपराध नियन्त्रकं हे अपराध या:गु घटनां झीत सात्तु का:गु थें ज्व:गु अनुभूति जूगु दु । समाजय् न्यनाच्वंगु अपाराधिक ज्याखँया हा गन थ्यंक थ्यनाच्वंगु दु धइगु दसि नं सभासद्, पूर्वमन्त्री गुप्ता व डिआर्इजी कोइरालां क्यनाब्यूगु दु । थुकथं क्वय्थ्यंक थ्यनाच्वंगु हायात हुया छ्वयेत आ: सरकार जक मखु जनता हे मदंकं उलि अ:पुक हुइ फइगु खनेमदु ।
More Stories Like this
समाजसेवी दिलशोभापाखें सुभाय् देछा जय श्री संगीत समाजया ज्व:मदुगु ज्याझ्व: पुलांगु येँ शहर विकासया नितिं जागरण अभियान जागरणया न्हापांगु अधिवेशन वेश्यायात बेकमया मुद्दा
