११ प्रदेशया प्रस्ताव खनाः कांग्रेस एमाले ग्यात

श्रीकृष्ण महर्जन

प्रमुख दलतय्गु सहमति कथं संविधानसभाया राज्य पुनर्संरचना तथा राज्य शक्ति बा“डफा“ट समितिं तयार याःगु झिंप्यंगू प्रदेशयात स्यंके फैलाः धकाः कुतः यायेगु झ्वलय् गुगु कथं राज्य पुनर्संरचना आयोग दयेकल उगु आयोगं नं लगभग अज्वःगु हे कथंया प्रदेशत निर्माण यायेवं ब्रम्हुवादी कांग्रेस व एमालेया नेतातय्सं विरोध यानाहःगु दु । आयोगया छम्ह दुजलं ब्यूगु जानकारी कथं लिम्बुवान, किरा“त, ताम्सालिङ, नेवाः, तमुवान, मगरात, अवध—लुम्बिनी—थारुहत, भोजपुर—मिथिला— मधेस, नारायणी, प्रदेशयात यथावत तयाः कर्णाली, जडान व खप्तड यानाः छगू प्रदेश अले नारायणी प्रदेश यानाः झिगू प्रदेशया प्रस्ताव याःगु दुसा अथे हे दलिततय्गु नितिं गैर भौगोलिक प्रदेश दयेकेगु प्रस्ताव तःगु दु । अथे हे शेर्पा प्रदेश व सुनकोशी प्रदेशयात धाःसा दुथ्याकेगु ज्या मयात ।

संविधानसभाया राज्य पुनर्सरचना समितिं तयार याःगु झिंप्यंगू प्रदेशय् लिम्बुवान, किरा“त, शेर्पा, ताम्सालिङ, नेवा,ः तमुवान, मगरात, अवध—लुम्बिनी—थारुवान, भोजपुर—मिथिला—मधेश, सुनकोशी, नारायणी, कणाली, जडान व खप्तड खः ।
आः आयोगं उकियात झिगू प्रदेशय् ब्वथलाः दलितया नितिं गैर भौगोलिक प्रदेशया प्रस्ताव बहुमतं पारित याःगु दु । अथे बहुमतं पारित याःगु राज्य पुनर्संरचना आयोगया प्रतिवेदन कन्हय् सोमवाः सहिद दिवसया दिनय् प्रधानमन्त्रीयात लःल्हाइगु जूगु दु । आयोगया उगु निर्णय खनाः कांग्रेस व एमालेया ब्रम्हुवादी नेतात हीमी चायाः विरोध यानाहःगु दु ।

सूत्रं ब्यूगु जानकारी कथं सुनकोशीयात ताम्सालिङय् लाकूगु दुसा नेवाः प्रदेशं धाःसा नारायणी प्रदेशय् थिइकूगु दु । अथे हे नेवाः व ताम्सालिङ प्रदेशया दथुइ छुं छुं लागा धाःसा हिलाबुला यानाः काःगु दु । राज्य पुनर्संरचना समितिं दयेकूगुसिबें नं अझ आदिवासी जनजातिया भावना कथं आयोगं प्रस्ताव याःगुलिं ब्रम्हुवादी नेतात हीमी चाःगु खः । आयोगं आवंलि राज्यं आदिवासी जनजाति धकाः सूचिकृत यानातःगु ५९ गू हे जाीतयात विशेष स्वायत्त क्षेत्र दयेकेगु धकाः निर्णय याःगु दु । स्वायत्त प्रदेश मदुगु जातियात उगु कथंया व्यवस्था यायेत्यंगु खः । अथे हे शेर्पातय्गु सवालय् प्रदेशसिबें क्वय् अले विशेष स्वायत्त क्षेत्रसिबें च्वय् जुइक न्हूगु कथं व्यवस्था याःगु दु ।