‘७५ जिल्लाया हे प्रदेश दयेकेमाः’
येँ (झीगु स्वनिगः)
न्हूगु संविधान निर्माणया सवालय् राज्य पुनर्संरचनाया सवालय् संविधानसभाया राज्य पुनर्संरचना समितिं तयार याःगु प्रस्तावयात अस्वीकार याःगु कांग्रेसया नेता शेरबहादुर देउवां आः वयाः ७५ जिल्लायात हे प्रदेश दयेकेमाः धयादीगु दु ।
विशेष यानाः दलतय्गु हे सहमति कथं राज्य पुनर्संरचना आयोगं तयार याःगु प्रस्ताव नं राज्य पुनर्संरचना समितिया थें हे जुइवं हीमी चायाः नेता देउवां अथे ७५ जिल्लायात हे प्रदेश दयेकेमाः धकाः धयादीगु खः । म्हिगः शनिवाः ये“य् जूगु छगू ज्याझ्वलय् न्वंवासें वय्कलं अथे धयादीगु खः । नेता देउवां उगु कथं न्वंवानादीगु धैगु कांग्रेस व एमालेया नेतात राज्य पुनर्संरचना आयोगं याःगु निर्णय खनाः हीमी चायाः उगु कथं न्वंवानादीगु खयेमाः धकाः मनूतय्सं अनुमान यानाहःगु दु ।
