माओवादी जनसरकारया निर्णय ( अपच

माओवादीतसें द्‍वन्द्‍वकालय् पुलांगु सत्ता धका: येँय्‍ केन्द्र दुगु सरकारयात निषेध यासें 'न्हूगु सत्ता' धका: समानान्तर सत्ताया अभ्यास या:गु ला खहे खत । उगु हे सत्ताया अन्तरगत गुलिखे ज्याखँ नं जुल । थन ज्या विशेष इमिगु लागाय् वनेमा:पिं झी हे गुलिखे पासापिसं इमिगु अनुमति कया: जक वनेमाल । थुकिं याना: झी हे पासापिं गुलिखेसिनं इमिगु सत्तायात माने याये माल धा:सा उज्व:गु हे गामय् च्वंपिं मनूतसें हे जग्गा जमिनया किनबेच, लेनदेनया तमसुक, मुद्दामामिलाया फैसलाय् तकं इमिगु सत्तायात स्वीकार याना: यायेमा:गु जुल । आ: माओवादीत न्हूगु सत्ताया भजन गान त्व:ता: पुलांगु सत्ताय् हे दुहाँ वया: थ:पिनिगु ख्वा:पा: बचे यायेत सत्ताया रुपान्तरणया खँ ल्हानाजूगु दु । अले थ:पिनिगु सत्ताया इलय् जूगु ज्याखँयात मान्यता बीत सम्बन्धित जनता व कार्यकर्तां दवाव बीगु जु हे जुल, अले थ:गु हे ल्हातिइ ला ख: नि धका: डा. बाबुराम भट्टरार्इया सरकारं नं निर्णय याइगु जु हे जुल । थुकथं द्‍वन्द्‍वकालय्‍ जनसत्तां या:गु ज्याखँ विशेष याना: जग्गा जमिनया रजिस्टे्रसन व लालपुर्जायात कया: आ:या सरकारं मान्यता बीगु निर्णय कासेंलि कांग्रेस व एमालें थुकी सैद्धान्तिक हे मतभेद क्यना: शान्ति प्रत्रिmयाया मुँज्यातकं बहिष्कार यात । अले थ्वहे खँय् सर्वोच्च अदालतय् मुद्दा लासेंलि अदालतं थुकियात कार्यान्वयन मयायेत आदेश बिल । थथे थुकिं नेपा:या राजनीतिइ छगू भुखाय् धइथें ब्वयेकाबिल । माओवादी नाय: प्रचण्डं थुकियात चियाकपय व:गु तूफान धया: याकनं विवाद ज्यनीगु खँ धा:गु दु । तर अदालतं हे दिका ब्युसेंलि विवाद यानाच्वनेमा:गु मन्त । तर थुकिया बहस धा:सा त:धंक हे यायेगु थाय् दनि ।

More Stories Like this