नेपा:या मिखा चीन लिपा भारत
चिनिया प्रधानमन्त्री बेन जियाबाओया भ्रमण लिपा नेपा:या उपप्रधानमन्त्री विजयकुमार गच्छदार भारत भ्रमणय् वन । थुकिया लिसेलिसें भारतया प्रधानमन्त्री मनमोहन सिंह नं नेपा: भ्रमणय् वइगु चर्चा सुरु जूगु दु । खतुं प्रधानमन्त्री डा. बाबुराम भट्टरार्इ भारत भ्रमणय् वंगु इलय् हे वय्क:यात नेपा: भ्रमणय् स:तेगु ज्या जूगु व कूटनीतिक च्यानलं र्इ मिले याना: उपयुक्त इलय् भारतीय प्रधानमन्त्री डा. मनमोहन सिंह नेपा: भ्रमणय् वइगु खँ पिहाँ व:गु ख: । अले प्रधानमन्त्री डा. भट्टरार्इ नं उगु इलय् निगुलिं देय्नाप सन्तुलित पहलं सम्बन्ध विस्तार यायेगु खँ धा:गु ख: ।
तर वंगु पुसया न्हापांगु वालय् जुइगु धा:सां चिनिया प्रधानमन्त्री वेन जियाबाओया भ्रमण आकाझाकां हे स्थगित जुल । थुकिं डा. बाबुराम भट्टरार्इया सरकारया निखेरं सम्बन्ध विस्तार यायेगु धइगु कुतलय् धक्का लात । थथे जूगु जूगुलिं सरकारं चिनिया प्रधानमन्त्रीया भ्रमण न्ह्याथे याना: जूसां यायेगु कुत: यात । अन्तत: वंगु पुस मसान्त खुन्हु शनिवा: चिनिया प्रधानमन्त्री बेन जियाबाओ ५ घौया नितिं जूसां नेपा: भ्रमणय् वना: त:धंगु आर्थिक सहयोग यायेगु बचं नं बिया: वन । थ्व भ्रमण तसकं उपलब्धिमूलक जूगु जक मखसें राजनीतिक महत्वया नं जूगु सरकारं धा:गु दु । न्हापा न्हापा जूसा थुकथंया भ्रमणयात 'फलदायी' ख: मखु 'उपलब्धिमुलक' ख: मखु धका: जक धायेगु या: । तर आ: वया: थुकियात राजनीतिक महत्वया भ्रमण्ा धका: तकं धाल । थुकिया नापनापं आ: भारतीय प्रधानमन्त्रीया नेपा: भ्रमण्ाया नितिं कुत: नं सुरु जुइधुंकूगु दु । नेपा: छगू राजनीतिक संत्रmमण्ाया इलं न्ह्यानाच्वंगु दु । म्हिग: विद्रोही व आतंकवादी धका: धयात:पिं थौं सत्ताय् थ्यनाच्वंगु दु । सरकारय् प्रधानमन्त्री जुयाच्वंगु दु । खतुं नेपा:या जनताया नितिं माओवादी धा:पिं नं 'जुन जोगी आए पनि कानै चिरेका' थें जुइधुंकूगु दु । तर अन्तर्राष्टि्रय ख्यलं राजनीतिक स्तरय् स्वयेबलय् खँ अथे मखु । थनया पुलांगु परम्परागत राजतन्त्रया अन्त जुइधुंकूगु दु ।
द्वन्द्व सिधया: नेपा:या न्हूकथं संरचनाय् यंकेत संविधान सभाया चुनाव जुया: संविधान दयेकेगु ज्या जुयाच्वंगु दु । माओवादीत न्हूगु शक्तिया रुपय् उदीयमान जूगु दु । थ्वहे इलय् भारत व चीन थुज्व:गु तत:धंगु छिमेकी देय्तसें नेपालय् थ:गु अस्तित्व व वर्चश्वयात कायम हे यानातयेत अले मेपिंसिकं अझ बल्लाकेत स्वइगु स्वाभाविक ख: । झीसं गनं न्हूछेँ न्याना: च्वं वन धा:सा उगु छेँय् न्हूच्वंव:पिं छु गुज्व:पिं ख:, झीत ग्वाहालि दइपिं ख: मखु, छु व्यवहार याइपिं ख: धका: ज:लाख:लातसें स्वइथें आ: चीन व भारतं नं स्वयाच्वंगु दु ।
अथेहे त्वा:या दादा जुयाच्वंपिं, ठालु जुयाच्वंपिसं स्वइथें अमेरिकां नं स्वयाच्वंगु दु । अले उकथं थ:थ:पिसं न्हापा उगु छेँया मनूत नाप तयाच्वंगु व्यवहार नं कायम याये चाहे जुयाच्वंगु दु । इमिसं फयांफच्छि न्हापा गथे ख: अथे व अझ अप्व: थ:गु वर्चश्व दयेमा: धका: नं स्वयाच्वंगु दु । थ:थ:गु स्वार्थ नं पिथनाच्वंगु दु । न्हूच्वंव:पिसं जवंखवं च्वय्क्वय् याये मफयेमा धका: नं उखेथुखे संके मबीगु कुत: याना: थ:गु प्रेmमवर्क दुने लाकेत नं कुत: यानाच्वंगु दु । थुज्व:गु परिस्थितिं याना: विशेषत: माओवादीयात आ: थुपिं छिमेकी देय्त नापया सम्बन्धयात परिभाषित यायेगु जरुरत जूगु ख: । थ्व माओवादी पार्टीया आवश्यकता नं ख: धा:सा देसय् विकसित परिस्थितिइ नेपालं ज:लाख:ला देय्त नाप तयेमा:गु सम्बन्धयात न्हूधा: यायेमा:गु छगू राष्टि्रय आवश्यकता नं ख: ।
More Stories Like this
नेवा: आन्दोलनया उपलब्धी जनजाति आन्दोलनय् नेतृत्वया सवाल सामुद्रिक रेशमया लँ सम्बन्धी न्हापांगु एक्स्पो जनजाति आन्दोलनय् पद्मरत्नया नेतृत्व हिन्दूराष्ट्रया खँ आ: छाय् ?
