नेवा: लागा तब्याकेत संघर्ष
राज्य पुनर्संरचना सुझाव आयोग दुने नेवा:तय्गुपाखें नेवा: प्रदेश सुनिश्चित यायेगु नितिं टेबुलय् संघर्ष जुयाच्वंगु दु । नेवा: स्वायत्त राज्य मंका: संघर्ष समितिया सचिवालय कजि मल्ल के. सुन्दर आयोगया दुजलय् च्वना: थ्व ज्या यानावयाच्वंगु ख: । आ:तक दुने नेवा: भूमि दयेकेगु प्रदेश ‘नेवा: प्रदेश’ अले अग्राधिकार, आत्मनिर्णयया अधिकार कायेत झी ता: लाये धुंकूगु दु । तर नेवा: लागा तब्याकेगु नितिं धा:सा अझ नं संघर्ष यायेमा:गु स्थिति दनि । नेवा: लागा तब्याकेगु नितिं ताम्सालिङ प्रदेशनाप संघर्ष समितिं त:क्व:मछि वार्ता जूगु खया: नं उगु वार्ता ता: लाये फयाच्वंगु मदु । तर झीगु नेवा: लागा संविधानसभाया राज्य पुनर्संरचना समितिं पित ब्यूगु १४ प्रदेश दुनेया नेवा: लागा गुलि लागा बियात:गु ख: व सिबें म्हो जुइगु कथंया गुगु नं कथंया सहमति मयायेगु निर्ण्ाय संघर्ष समितिं या:गु दु । नेवा: लागा त:ब्याकेगु नितिं तामाङत नाप निरन्तररुपं सहलह याना: वार्ताय् च्वनेगु व थ्व संघर्ष निरन्तर रुपं यायेगु लँपु न्ह्यानाच्वंगु दु ।
More Stories Like this
नेवा: आन्दोलनया उपलब्धी जनजाति आन्दोलनय् नेतृत्वया सवाल सामुद्रिक रेशमया लँ सम्बन्धी न्हापांगु एक्स्पो जनजाति आन्दोलनय् पद्मरत्नया नेतृत्व हिन्दूराष्ट्रया खँ आ: छाय् ?
