बन्दया कारण संवैधानिक समितिया बैठक स्थगित

येँ (झीगु स्वनिगः)

सरकारं पेट्रोलियम पदार्थय् याःगु मूल्यवृद्धि लित कायेमाःगु माग यानाः थीथी झिंस्वंगू विद्यार्थी संगठन व गुंगू युवा संगठनपाखें इनाप याःगु स्वनिगः बन्दया हुनिं बुधवाः क्वःछीनातःगु राजनीतिक सहलह व गतिविधि नापं ठप्प जूगु दु । विद्यार्थी संगठन व युवा संगठनतय्सं इनाप याःगु बन्दया हुनिं संविधान च्वयेगु ज्याभ्mवलय् खनेदुगु विवाद समाधान यायेगु न्ह्यःथना बुधवाःया नितिं क्वःछ्यूगु संवैधानिक समितिया बैठक शुक्रबाः तक्कया नितिं चीकूगु दु ।

बन्दया हुनिं निजी लिसे सार्वजनिक सवारी साधन न्ह्यायेमफयेवं समितिया दुजःत बैठकय् ब्वति कायेपूmगु जूगुलिं बुधवाः च्वने धयातःगु संंवैधानिक समितिया बैठक शुक्रबाःतक्कया नितिं चीकूगु समितिया सभापति निलाम्बर आचार्यं जानकारी बियादीगु खः । संविधान निर्माणया भ्mवलय् लिपांगु इलय् खनेदुगु शासकीय स्वरुपया विवादया सम्बन्धय् छगू मत कायम यायेगु व संविधान निर्माणया ज्याय् गति बिइगु ज्यायात न्ह्यःने न्ह्याकेगु कथं संवैधानिक समितिया बैठक बुधवाः सःतूगु खः । सभापति आचार्यं राजनीतिक दलतय्गु दथुइ सघन सहलह यानाः छु प्रक्रियाया आधारय् संविधान निर्माणया ज्यायात तीव्रता बिइफु धइगुलिइ दलत केन्द्रित जुइगु खःसा अझ नं संविधानया नितिं थप याःगु ज्याया धलः कथं न्ह्यःने न्ह्यायेपूmगु धयादीगु खः ।
लिपांगु खुसिइ विवाद समाधान उपसमितिं सहमति चूलाकूगु विषयसं नापं एकीकृत नेकपा (माओवादी)या न्वकु मोहन वैद्य पक्षया सभासद्तय्सं विरोध यानाः वयेवं शान्ति व संविधानया ज्यात अपेक्षित रुपय् न्ह्यःने न्ह्यायेपूmगु मदुनि ।