जनसत्ता विषयसं याःगु निर्णयसं पुनर्विचार यायेफु – पौडेल

येँ (झीगु स्वनिगः)

प्रधानमन्त्रीया प्रमुख राजनीतिक सल्लाहकार देवेन्द्र पौडेलं द्वन्द्वकालय् जनसत्तां याःगु निर्णययात मन्त्रिपरिषद्ं ब्यूगु वैधतादथुइ पुनर्विचार यायेपूmगु धयादीगु दु । सम्वाद क्लब, नेपालपाखें ग्वसाः ग्वःगु छगू अन्तक्र्रियाय् वय्कलं जनसत्ताया निर्णययात सदर यायेगु मन्त्रिपरिषद्या ज्यां शान्ति व संविधानय् छु नं असर मलाइगु धासें दलतदथुइ जुयाच्वंगु सहलहलिपा थ्व निर्णय भिनेपूmगुलिं राजनीतिक मुद्दा दयेकाः न्ह्यःने मन्ह्यायेत प्रतिपक्षी दलतय्त इनाप यानादिल ।

वय्कलं धयादी – ‘जनसत्तां याःगु निर्णय जनताया हे पक्षय् दु, मन्त्रिपरिषद्ं उकियात सदर यायेगु निर्णयया विपक्षय् राजनीतिक दलत न्ह्यःज्यायेगु गलत खः ।’ ज्याभ्mवलय् नेपाली कांगे्रसया नेता डा. नारायण खड्कां एकीकृत नेकपा (माओवादी) दुनेया हे आन्तरिक द्वन्द्वया कारण देय्या शान्ति प्रक्रिया व संविधान च्वयेगु ज्या पंगः जूगु धयादिसें लिपांगु खुसिइ सरकारं जनसत्ता सम्बन्धी याःगु निर्णयपाखें दलदथुइ विश्वासया संकट पिहांवयाः फुक्क प्रक्रिया पंगः जूगु धयादिल ।

नेकपा (एमाले)या नेता प्रदीप ज्ञवालीं जनसत्तां याःगु निर्णययात सरकारं वैधता बियाः शान्ति व संविधानयात समस्याय् लाकूगु बिचाः प्वंकादिसें देय्या जनतायात राहत बीगु ज्याय् न्ह्यःने न्ह्यायेमाःगु सरकार जनताया हे दुगः क्वँय् त्वःथुलेगु कथं पेट्रोलियम पदार्थया मूल्यवृद्धि यायेगु जनपक्षीय मखु धयादिल । वय्कलं धयादी – ‘डा. बाबुराम भट्टराईया नेतृत्वय् सरकार नीस्वनेधुंकाः अकल्पनीय चमत्कार जुइ धइगु आमजनताया चाहनाय् कुठाराघात जूगु दु, जनहीत अःखः जूगु थज्याःगु निर्णय याकनं भिंकेमाः ।’

मधेसी जनअधिकार फोरम (लोकतान्त्रिक)या नेता रामेश्वर यादव व तराई – मधेस लोकतान्त्रिक पार्टीया नेता जितेन्द्रप्रसाद सोनलं जनसत्ताया निर्णययात कानुनी वैधता बिइगु शान्ति प्रक्रिया व संविधान च्वयेगुलिइ पूर्णविराम बिइगु थें हे खः धयादिसें मधेसी मोर्चा उगु निर्णय भिंकेगु पक्षय् दुगु धयादिल ।