आःया कार्यदिशा गणतन्त्र वा समाजवादी गणतन्त्र ?– ३

– पवनमान श्रेष्ठ

थुकी अवैध रुपं विदेश वंपिसं छ्वयाहःगु हिसाव तःगु मदु । थथ्य स्वयेवलय् रेमिन्ट्यान्सया मात्रा निश्चित रुपय् छसीकथं अप्वया वंगु ला खनेदु, व थुकिं देशया अर्थतन्त्रय् नं छुं मखु छुं रुपय् प्रभाव त्वःतीहे तर थुकिया अर्थ रेमिन्ट्यान्सया कारणं आकाश जमिनहे फरक जुइगु खँ गलत खः । मेगु खँ जनयुद्ध सुरु जुइ न्ह्यः निसें हे रेमिन्ट्यान्सया तःधंगु मात्रा नेपाः दुहां वयाच्वंगु दु । सुगौली सन्धि लिपा वेलायतीतय्सं गोरखा भर्ति चायेकूसां निसें व कालापाहाड वनेगु नामय् विदेशय् वनाः श्रम यायेगु चलन सत्यादँ न्ह्यःनिसें खनेदु । व आः नं दहे दनि । उकिं रेमिन्ट्यान्स आः वयाः जक दुहां वल धायेगु न्हिनय्हे चा यायेगु कुतः जक खः । नेपाःया कृषि उत्पादन स्वये, १९८० स न्म्ए या ५० प्रतिशत, १९९६÷९७ स न्म्ए या ४१ प्रतिशत खनेदु । अर्थमन्त्रालयया श्रोत कथं हाल कुल गार्हस्यय् उत्पादनया कृषि, उद्योग व सेवाय् थुगुकथंया दु ।

कृषि क्षेत्रय् कुल गार्हस्थ्य उत्पादनया ३३ जूसां नं कृषि क्षेत्रय् ७५ श्रमशक्ति संलभ दु । उद्योगय् कुल गार्हस्थ्य उत्पादनया १४ व श्रम शक्ति ७ संलग्न दु । तःधंगु मात्राय् सेवाय् कुल ग्रार्हस्थ्य उत्पादनया ५३ प्रतिशत व संलग्न श्रमशक्ति १८ जक दु । थुकिं छु स्पष्ट खनेदु धाःसा नेपाः उद्योगीकरणया दिशाय् वनेफूगु मदु । मूलत उद्योगय् नं कृषिजन्य उद्योगं हे थ्व न्ह्यानाच्वंगु दु । जवकि ७५ श्रमशक्तिया संलग्नता कुल गार्हस्थ्य उत्पादनया ३३ कृषिं उत्पादन दु । अप्वः जनता आः नं कृषि क्षेत्रय् आधारित दु व पुरातन कथंया उत्पादनं यानाः कृषिं तःधंगु मात्राय् उत्पादन जुइ फुगु मदु । अथ्य झीगु देशया आःया अवस्थाय् नं कृषि क्रान्ति हे मूख्य जुयाच्वंगु दु । उत्पादन सम्वन्ध आःनं सामन्ती, दलाल व नोकरशाही उत्पादन सम्वन्ध हे दु । थुकिं थुकियात अन्त्य यायां पूँजीवादी उत्पादन सम्वन्धया विकास यायेमाःगु मू दायित्व दुने लाः । उकिया नितिं न्हूगु जनवादी क्रान्तिया विकल्प मदु । थथ्य स्वयेवलय् आःया क्रान्तिया चरित्र समाजवादी क्रान्ति धायेगु “आकाशया फल आँखा तरी मर” धाःथें खः । थन रेमिन्ट्यान्सया खँ व कृषि क्षेत्रय् जुयाच्वंगु उत्पदनयात स्वयेवलय् छसीकथं मात्रातत्मक परिवर्तन जुयाःवःगु दु । गुणात्मक परिवर्तन जुइधुंकल धकाः धायेगु वस्तुगत मजुसे मनोगत जक खः । मात्रात्मक परिवर्तनं क्रान्तिया चरित्रय् सारय् परिवर्तन वइमखु । अथ्ये धायेगु विश्वयात मूर्ख यायेगु जक खः । खः आः तःधंगु मात्राय् ल्याय्म्हत विदेशय् वनाः श्रम यानाच्वंगु दु । थुकिया अर्थ जनयुद्ध शुरु जुइ न्ह्यः व लिपा म्हो ल्याय्म्हत विदेशय् वनाच्वन धइगु खँ गलत खः । देय् अर्धसामन्ती व अर्ध औपनिवेशीक स्थितिइ दुगुलिं औपनिवेशीकरणया दिशाया मवनेवं वेरोजगारया स्थितिं ल्याय्म्हत विदेश पलायन जुइत वाध्य जूगु दु । छुं रहरं क्वाःगु मरुभूमिइ वनाः श्रम याःवनाच्वंगु मदु । थुकिया मतलव ल्याय्म्हतय्गु तःधंगु हिस्सा विदेशय् दु धायेगु गल्ति जुइ । मू हिस्सा नेपालय्हे दु । थ्वहे कारणं नेपालय् क्रान्ति सम्भव मदु धकाः लिच्व पिकायेगु मनोगत जक जुइ । गनतक्क ल्याय्म्हतय्गु संस्कृति व मानसिकताया खँ दु, विदेशया विकासं थःगु देशय् नं विकास यायेमाःगु चेतना ज्वनाः वइ व नेपालय् अथ्य जुइमफूगुया ल्यूने देय् अर्घसामन्ती व अर्घऔपनिवेशिक दुगु स्थितिया कारणं खः धयागु थुइके धुनेवं संघर्षय् वनेत प्रेरित जुइ ।

क्रान्तिकारी कम्युनिष्टतय्गु दायित्व ल्याय्म्हतय्त राजनीतिक व वैचारिक रुपय् स्पष्ट यायेगु खः । व्यक्तिगत स्वार्थया नितिं भ्रम न्यंकेगु व दुश्मनतय्त बुकेमफैगु आत्मसमर्पणवादी मानसिकताया लिसे अजङ्गया शक्ति खंकेगु गल्ती यायेमज्यू । गनतक्क सूचना व प्रविधिया विकासया खँ दु, थुकियात क्रान्तिकारीतय्सं पाय्छिकथं छ्यलेगु खःसा प्रतिकृयावादीतय्त स्वयाःनं क्रान्तिकारीतय्तहे फाइदा जुइ । लिच्वलय् धायेमालीवलय्, अर्घसामन्ती व अर्घ औपनिवेशिक अवस्थाय् दुगु नेपाःया क्रान्तिया चरित्र आः नं न्हूगु जनवादी क्रान्ति हे खः । उकिं आःया कार्यदिशा नं जनताया संघीय गणतन्त्र व जनविद्रोहहे दुगु खँ स्पष्ट दु । क. प्रचण्डं गुगु समाजवादी क्रान्तिया हौवा थायेगु यानाच्वंगु दु, व विल्कुल यथार्थनाप मल्वः । थ्व साम्राज्यवाद विरोधी व सामन्तवाद विरोधी कष्टसाध्य संघर्ष विसुं वनाः क्रान्तिया नामय् यथार्थय् सामन्तवाद व विस्तारवाद नाप याःगु आत्म समर्पण खः ।

More Stories Like this