कांग्रेस–एमालेया न्हूगु षडयन्त्र

जेठ १५ गते दुने संविधान दयेकेमाःगु इलय् नेपाली कांग्रेस व एमाले हानं माओवादीया विरुद्ध षडयन्त्र जाः ग्वयेगुली व्यस्त जूगु दु । शासकीय स्वरुपय् माओवादीया प्रस्तावित राष्ट्रपतिय शासन व्यवहारया हावी जुइवं थःपिनिगु लाख कुतःया वावजुत माओवादी एजेण्डां न्ह्यःने वनेवं कांग्रेस एमालेया संसदीय व्यवस्थाया मोह ज्वनाः राष्ट्रपतीय व्यवस्थायात अस्वीकार याना वयाच्वंगु दु । राष्ट्रपतीय प्रणालीयात वहुमतं पारित यानाविल धाःसा माओवादी पार्टी, नायः पुष्पकमल दाहाल व प्रधानमन्त्री डा. बाबुराम भट्टराईया विरुद्ध चरित्र हत्या याइगुकथंया षडयन्त्रया योजना दयेकाच्वंगु यथार्थ खँ पिहां वःगु दु । थुकिं थुपिं संविधानया जक मखु, शान्ति प्रकृया नं विरोधीया रुपय् कुहां वइगु निश्चित जूगु दु । माओवादी पार्टी व उकिया नेतातय्गु चरित्रयात कयाः खःगुं मखुगु खँ च्वयाः राष्ट्र स्तरया मिडिया मार्फत वदनाम यायेगु नियतं इमिसं थुगु षडयन्त्रया जाः ग्वयेत्यंगु दु ।

थुकिया नितिं नेपाली कांग्रेसया महामन्त्री रामचन्द्र पौडेल, एमालेया नेता माधव नेपाल, पत्रकार कनकमणी दिक्षित, संविधान समितिया सभापति निलाम्वर आचार्य लगायत व्यक्तिपिनिगु उपस्थितिइ नकतिनि बबरमहलया रिभिजिरेड होटलय् च्वंगु मुंज्या उगुकथंया षडयन्त्रया जाः ग्वःगु खः । नेपाली कांग्रेस व एमालें जनसेनायात तयावःगु फुक्क क्यान्टोमेन्ट खाली यायेमाःगु व कन्टेनरय् तयातःगु स्वद्वः व चानचुन ल्वाभःत सरकारयात लःल्हायेमाःगु लिपांगु शर्त न्ह्यःनेतःगु खः । थुपिं ज्या मजुइकं संविधान दयेकेहे मवीगु इमिगु अडान दु । थःपिनिगु उगुइ मागयात पूवंकेगु झ्वलय् माओवादी पार्टीया निर्णय विपरित पार्टीया नायः प्रचण्ड व प्रधानमन्त्री भट्टराईपिसं थःयत्थे न्ह्याः वनाः कांग्रेस एमालेतय्त लय्तायेकेगु ज्या जुइधुंकूगु अवस्थाय् संविधान च्वयेगु ज्याय् माओवादीया एजेन्डा प्रतिपक्षतय्गु मनस्थिति व धापूया पाय्छि अःखः न्ह्यःने वयेवं थुकियात गथ्य यानाः म्हो यायेगु व क्यान्टोमेनय् च्वना च्वंपिं जनसेनायात गथ्य यानाः मानमर्दन यायेगु धयागु उदेश्यं कांग्रेस एमाले थुगुकथंया षडयन्त्र यायेत्यंगु खः ।
राष्ट्रपतीय प्रणालीइ दुहां वन धाःसा माओवादीया नायः प्रचण्ड राष्ट्रपती दनेफूगु व वयकःयात वुकेगु शतिm व सामथ्र्य कांग्रेस एमालेतय्के मदुगु कारणं थुपिं राष्ट्रपतीय शासन प्रणालीया विरुद्धय् कुहां वयाच्वंगु दु । प्रत्यक्ष राष्ट्रपतीय प्रणाली वन धाःसा देशया राजनीतिक अवस्था थःपिनिगु प्रतिकुल जुइगुलिं थुकियात पनेगु उदेश्यं कोकेगु एमालेतय्सं मिडिया वारया योजना दयेकूगु खः । नायः प्रचण्डया विरुद्ध कांग्रेस एमालें साझा राष्ट्रपतिया उम्मेदवार दयेकेगु पाखें नं सहलह याःगु खः । तर प्रचण्डया विरुद्ध थनेफैम्ह व्यक्तित्व आःयात कांग्रेस एमालेयाके मदुगु निष्कर्ष पिहांवयेवं थुखेपाखें वयकःपि निराश जूगु खः । वइगु चुनाव तक्क वर्तमान सरकारहे च्वनाच्वनीगु लिं माओवादी पार्टी व उया नेतापिनिगु चरित्रहत्या याये दःसा थःपिनिगु राजनीतिक भविश्य सुरक्षित जुइफैगु सम्भावनायात ध्यानय् तयाः थुगु मुंज्या च्वंगु खः । सहलहया झ्वलय् मिडियाय् माओवादीया विरुद्ध खःगुं मदुगु सूचना प्रवाह यायेगु व पार्टीया नेतातय्गु चरित्र हत्या यायेगु जिम्मा पत्रकार कनकमणी दिक्षितयात हे व्यूगु सीदु ।

माओवादी पार्टी तज्याइ व थुया लिपा उगु पार्टी कमजोर जुइवं कांग्रेस एमालें हानं न्हापाथें हे १ नम्वरया पार्टी जुइदैगु म्हगस च्वयाच्वंपिं कांग्रेस एमालेया नेतात माओवादी पार्टी निगू समूह दथ्वीइ हानं छप्पँ छधी जुइवं इमिगु आशा निराशाय् हिउगु दु । माओवादी पार्टी तमज्याःगुहे कारणं कांग्रेस एमालेया न्ह्यः मवःगु जक मखु, वल्कि थःपिनिगु भविश्यहे खिउँयाः वंगु व निकट भविश्यय् हे थःपिसं हे यायेमफुसा थःपिनिगु अस्थित्वया न्ह्यसः दनीगु जूगुलिं कांग्रेस एमालेत आः निम्नस्तरया गैरराजनीतिक व्यवहारय् कुहां वःगु खः । आः चरित्र हत्यायात कयाः न्हूगु खँत पिहां वल धाःसां अजू चायेमाःगु छुं मदु ।

More Stories Like this