होल्चोय् डीआईजीया चर्चा

येँ (सन्ध्या टाइम्स)/थः कलाः गीता ढकालयात स्याःगु द्वपनय् सशस्त्र प्रहरीया डीआईजी रञ्जन कोइरालायात ज्वनेवं म्हिगः न्हिछि हे सशस्त्रया ज्याकू होल्चोय् थ्वहे जक विषयय् गफ जुयाच्वन। थः हाकिमं कलाः स्यानाः थम्हं हे उना थकूगु खँ न्यनाः अनया मेपिं प्रहरीत चकित जूगु दु। मेखे सीम्ह कलाःयात तयाः पालुङ तक ल्ह्ययायंकूगु गाडी नं म्हिगः प्रहरीं बरामद याःगु दु। डीआईजी कोइरालां कलाःयात स्यायेधुंकाः लाशयात प्रहरीया हे सरकारी गाडीइ तयाः पालुङय् उइ यंकूगु जुयाच्वन ।