थौं येँय् मानन्धरतय् र्याली
येँ (सन्ध्या टाइम्स)/केन्द्रीय मानन्धर संघया न्यय्गुक्वःगु पलिस्था बुन्हिया लसताय् थौं संघया ग्वसालय् येँय् मानन्धरतय्गु र्याली पिकायेगु तयारी जुयाच्वंगु दु। र्याली येँया थःने क्वःने लागा चाःहिलाः शान्ति निकुञ्ज स्कूलय् जुइगु मू ज्याझ्वलय् सरिक जुइगु खँ संघं धाःगु दु। संघं थःपिंसं न्हापांखुसी यायेत्यनागु थुगु मानन्धर र्यालीइ फुक्कं त्वाःयात ब्यानर सहित ब्वति कायेत आह्वान यानातःगु दु ।
