मल्ल के सुन्दरया पुत्ला च्याकल
येँ (झीगु स्वनिगः)
संघीय लोकतान्त्रिक गणतन्त्र नेपालय् शेर्पा स्वयत्त राज्यया माग यानाः वयाच्वंपिं शेर्पातय्सं नेवाः स्वायत्त राज्यया आन्दोलनया न्ह्यलुवाः मल्ल के सुन्दरया पुत्ला च्याकूगु दु । म्हीग आइतवाः बौद्धय् मल्ल के सुन्दर नापं न्हय्म्हेसिया पुत्ला च्याकेगु ज्या याःगु खः । सरकारं गठन याःगु राज्य पुनर्संरचना सुझाव आयोगया गुम्ह दुजःपिं मध्ये मल्ल के सुन्दर नापं न्हय्म्हेसिया पुत्ला च्याकूगु खः । संविधानसभाया राज्य पुनर्संरचना नापं राज्य शक्ति बा“डफा“ट समितिपाखें तयार याःगु नेवाः, शेर्पा, तामाङ लगायतया १४ प्रदेशया प्रस्ताव तयातःगुयात हिइकाः राज्य पुनर्संरचना आयोगं शेर्पा प्रदेशयात लिकाःगु विरोधय् अथे शेर्पा समुदायपाखें पुत्ला च्याकेगु ज्या जूगु खः धकाः शेर्पातय्गु राष्ट्रिय संगठन नेपाल शेर्पा संघया नायः पेमा छिरिङ शेर्पां धयादीगु दु ।
आयोगय् दुजःपिं गुम्ह मध्ये निम्ह तटस्थ च्वंगुलिं गुम्हेसिया जक पुत्ला च्याकूगु खः धकाः धाःगु दु । थ्व हे दथुइ शेर्पा स्वायत्त राज्यया सुनिश्चितताया माग यानाः वइगु माघ १३ गते ये“य् तःधंगु प्रदर्शन यानाः सभा यायेगु जुइ धकाः नं धयादीगु दु ।
