ट्रकं क्यलाः छगू हे परिवारया खुम्ह सित

येँ (झीगु स्वनिगः)

पूर्वपश्चिम राजमार्ग अन्तर्गत सुनसरीया पकली लागाय् म्हिगः सोमवाः सुथ न्हपां मालबहाक ट्रकं क्यलाः छगू हे परिवारया खुम्ह मनूत सीगु दु । पश्चिमपाखें पूर्वय् वनाच्वंगु ना ४ ख ७९७ नम्बरया ट्रक अनियन्त्रित जुयाः फातापूगु खःसा ट्रक.क्यलाः प्रतीक्षालय् च्वनाः बसः पियाच्वंपिं छगू हे परिवारया खुम्ह मनूत सीगु खः । उगु दुर्घटनाय् लानाः ६७ द“ दुम्ह कृष्ण राउत, वय्कःया जहान ६२ द“ दुम्ह तारा राउत, तःधिकःम्ह काय् ४२ द“या बाबुराम राउत, ३२ द“ दुम्ह भौ शारदा, २८ द“ दुम्ह म्ह्याय् कमल केसी व ७ द“ दुम्ह म्ह्याय् छय् शिलु केसी सीगु खः । प्रहरीं धाः कथं शारदा, कमला व शीलु घटनास्थलय् हे अले बाबुराम, कृष्ण व तारा धाःसा वीपी कोइराला स्वस्थ्य विज्ञान प्रतिष्ठान धरानय् वासः यायां हे सीगु खः ।

ये“या कपनय् छे“ दुम्ह कमलायात बसय् तयाः छे“य् छ्वयेगु नितिं प्रतीक्षालय् च्वनाः बस पियाच्वंगु इलय् उगु कथंया दुर्घटना जूगु खः । तीब्र गतिइ वयाच्वंगु ट्रक अनियन्त्रित जुयाः सुथय् साढे ५ ताः इलय् अथे दुर्घटना जूगु खः । उगु घटनालिपा ट्रकयात प्रहरीं नियन्त्रणय् काःगु दुसा चालक धाःसा फरार जूगु दु । उगु घटनालिपा अक्रोशित स्थानीयवासीं उगु लागाय् यातायात अबरुद्ध याःगु खः । इमिसं दोषियात ज्वनाः कडा कारवाही यायेमाःगु, पीडित परिवारयात उचित क्षतिपूर्ति बिइमाः माग यानाः प्रदर्शन याःगु खः ।