‘नेवाःतय्त विस्थापित यायेत स्वल धाःसा संघर्ष’

येँ (झीगु स्वनिगः)

एकीकृत नेपाल कम्युनिष्ट पार्टी (माओवादी)या पोलितब्यूरो दुजः नापं नेवाः राज्य समितिया इन्चार्ज हितमान शाक्यं नेवाःतय्त विस्थापित यायेगु कथं सतक विस्तार यात धाःसा संघर्ष यायेत तयार दु धकाः धयादीगु दु । एकीकृत नेवाः राष्ट्रिय मुक्ति मोर्चा नेपाः,या ग्वसालय् म्हिगः सोमवाः य“या लैनचौरय् जूगु ये“या सतक विस्तार व नागरिक सरोकार विषय जूगु अन्तक्र्रिया ज्याझ्वलय् न्वंवासें वय्कलं अथे धयादीगु खः । नेता शाक्यं आःया न्हापांगु प्राथमिकता धैगु संघीयता खः धयादिसें नेवाः राज्य वये धुंकाः जक थन गुलि सतक माः धकाः निर्णय यानाः ज्या याइगु आःया संक्रमणकालीन सरकारं यायेगु ज्या मखु धकाः स्पष्ट यानादिल । स्वनिगःया सवालय् स्वनिगलं व्यवस्थापिका संसदय् प्रतिनिधित्व यानाच्वंपिनिगु सरोकारया विषय खः धयादिसें वय्कलं यदि सरोकारवालालिसे सहलह मयासे सतक विस्तारया नामय् नेवाःतय्त विस्थापित यायेगु ज्या न्ह्याकल धाःसा जनतालिसे सतकय् वयेत तयार दु धयादिल ।

नेता शाक्यं अज्वःगु इलय् मि“प्वाः ज्वनाः डोजर च्याकेत नं तयार दु धकाः धयादिल नेवाः मोर्चा ये“ जिल्लाया नायः पञ्चलाल महर्जनया सभापतित्वय् जूगु उगु ज्याझ्वलय् एमालेया नेता जीवनराम श्रेष्ठ, संघर्ष समितिया नायः न्हुच्छेबहादुर श्रेष्ठ, संघर्ष समितिया न्वकू दिपक केसी, नेवाः मोर्चाया केन्द्रीय छ्याञ्जे सुरेश श्रेष्ठ, नेपाः राष्ट्रिय पार्टीया नायः डा. केशवमान शाक्य, नरेशवीर शाक्यपिन्सं न्वंवानादीगु खः । नेवाः मोर्चा ये“ जिल्लाया छ्याञ्जे सुरेन्द्र महर्जनं संचालन यानादीगु उगु ज्याझ्वलय् न्वकु राजेन्द्र महर्जनं लसकुस न्वचु बियादीगु खः ।