छम्ह हे मन्त्री उपस्थिति मजुइवं संसद स्थगित

येँ (झीगु स्वनिगः)

वर्तमान सरकाया ४९ सदस्यीय जम्बो मन्त्री मण्डलया छम्ह हे मन्त्रीत उपस्थिति मजुइवं म्हिगः आइतवाःया व्यवस्थापिका संसदया मु“ज्या स्थगित जूगु दु । मु“ज्याय् छम्ह हे मन्त्री उपस्थिति मजूगुलिं धकाः सभासद्तय्सं अपत्ति प्वंकेवं सभामुख सुवासचन्द्र नेम्वाङं १५ मिनेटया नितिं मु“ज्या स्थगित यानादीगु खः ।

मु“ज्याय् कांग्रेसया सभासद् रमेश लेखक व एमालेया सभासद् प्रदीप ज्ञवालीं छम्ह हे मन्त्री उपस्थिति मजूसे सरकारं हे संसद बहिस्कार यात धकाः द्वपं बियादीगु खः । झलनाथया नेतत्वया तत्कालिन सरकारं संसदया मु“ज्याय् म्होति नं निम्ह मन्त्रीत उपस्थिति जुइगु धकाः निर्णय याःगु खः । विपक्ष दलतय्गु पंगः, सभासद्तय्गु म्हो जक उपस्थिति नापं छम्ह हे मन्त्री उपस्थिति मजुइवं संसदया मु“ज्या नियमित कार्यसूचिइ हे दुहां वने मफत ।