थः कलाःयात स्यानागु डिआइजीपाखें स्वीकार
येँ (झीगु स्वनिगः)
सशस्त्र प्रहरी बलया डिआइजी रञ्जन कोइरालां थः हे कलाःयात हत्या यानागु स्वीकार यानादीगु दु । वय्कलं थः कलाःया हत्या याःगु आशंकाय् म्हिगः आइतवाः सुथय् प्रहरीं ज्वंगु खः । प्रहरी अधिकारीं बयान कायेगु झ्वलय् कोइरालां उगु अपराधयात स्वीकार यानादीगु खः । महानगरीय प्रहरी अपराध महाशाखा हनुमानध्वाखा सूत्रं धाल ‘वय्कलं अपराध स्वीकार यानादीगु दु ।’
प्रहरीया ये“य् च्वंगु परिसर व अपराध अनुसन्धानमहाशाखापाखें खटेजुयाः वंगु प्रहरीं वय्कःयात स्वनिगलंपिनें ये“य् वःगु इलय् नागढुंगाय् ज्वनाः हनुमान ध्वाखाय् यंकूगु खः । वंगु पुष २७ गते थःगु हे छे“य् नं बेपत्ता जूम्ह डिआइजी कोइरालाया कलाः गीता ढकालया हत्या याःगु आशंकाय् वय्कःयात ज्वंगु खः ।
प्रहरीं निन्हु न्ह्यः जक मकवानपुरया पालुङा धैगु थासय् छम्ह मिसाया सीम्ह लुइकूगु खः । डिआइजी कोइराला उगु घटनास्थलय् थ्यंगु खबरया आधारय् प्रहरीं आशंका यानाः कोइरालायात ज्वंगु खः । हनुमानध्वाखाय् डिआइजी कोइरालायात एसपीपिं देवेन्द्र सुवेदी व राजेन्द्र श्रेष्ठं बयान कयादीगु खः ।
थ्वसिबें न्ह्यः हत्या जूम्ह गिता ढकालया थःलाःपिन्सं डिआइजी कोइरालां हे थः कलाः ढकालयात स्यानाः अपहरण यानाः स्यानाः बिल धकाः उजुरी ब्यूगु इलय् माःगु कथंया प्रमाणत मदु धकाः दर्ता तकं मयाःगु खः । थौंसिबें १८ द“ न्ह्यः गितालिसे इहिपाः यानादीम्ह डिआइजी कोइरालां धाःसा वंगु १० द“ न्ह्यः हे थः कलाः ढकाललिसे बायाः च्वनागु खः धकाः दावी यानाः वयाच्वंगु खः । इमि दथुइ काय्या विषययात कयाः इलय् ब्यलय् ल्वापु जुयाः वयाच्वंगु खः ।
तालिमया नितिं चीन वंम्ह डिआइजी कोइराला थः कलाः गिता बेपत्ता जुइसिबें छुं दिं न्ह्यः जक नेपालय् लिहां वःगु खः । ये“य् नं पिहांवइगु छगू वाःपतिइ कलाः गीता बेखबर जूगु व डिआइजी रञ्जनयात न्यंगु इलय् छुं नं लिसः बियाः मदीगु बरु जावलाखेलय् च्वंगु रेडरोज ओभसिज नांगु म्यानपावर कम्पनी चलेयाना च्वंम्ह व एकान्त कुनाय् च्वनीम्ह तारा रेग्मीलिसे रञ्जनं छे“य् ्च्वनाः वयाच्वंगु समाचार प्रकाशित जूगु खः ।
