मंसिरं स्थानीय चुनाव?

येँ (सन्ध्या टाइम्स)/थीथी स्थानीय निकायय् दयेकातःगु सर्वदलीय संयन्त्र भंग यायेधुंकाः आः स्थानीय निकायया चुनाव हे यायेमाली धकाः चुनाव आयोगं तःगु प्रस्तावयात स्वंगू तःधंगु दलं अस्वीकार याःगु खँ सीदुगु दु। राजनीतिक संयन्त्र भंग जुइवं आः जनताया ज्या यायेत झन् हे थाकुइगु जुल धासें स्थानीय विकासमन्त्री मार्फत थ्व प्रस्ताव वंगु खःसां स्वंगू तःधंगु दलं आः चुनाव यायेबलय् शान्ति व संविधानया एजेण्डा छखे लायेफु धासें मेगु दँया मंसिर महिनापाखे चुनाव यायेमाली धकाः बिचाः न्ह्यथंगु खँ सीदुगु दु ।