बुद्धया न्ह्यसः-लिसः विमोचन

येँ (सन्ध्या टाइम्स)/बौद्ध विद्वान प्रा. सुवर्ण शाक्यया बुद्ध धर्म सम्बन्धी सफू 'विशेष प्रश्न - बुद्धको उत्तर' पिदन। डा. थिरमान शाक्यया स्वक्वःगु पुण्य तिथिकुन्हु भिक्षु सुमेधधीर सुधिरं उगु सफूया उलेज्या यानाबिज्याःगु खः। त्रिपिटक धर्मशास्त्रय् बुद्धयात थीथी मनुखं न्यंगु न्ह्यसःया बुद्ध स्वयमं लिसः बियाबिज्याःगु ३५७ गू न्ह्यसःया लिसःत समावेश जूगु उगु सफूया समीक्षा बौद्ध विद्वान फणीन्द्ररत्न बज्राचार्यं यानादीगु खः। ज्याझ्वलय् लक्ष्मण राजवंशीं बुद्ध धर्म छगू दर्शन खः धासें सत्यया खोजय् वनेगु हे धर्म खः धयादिल ।