डा. भगवानदासया 'भिंमनू' पिदन

येँ (सन्ध्या टाइम्स)/डा. भगवानदास मानन्धरं थीथी विषयय् च्वयादीगु चिन्तनमुलक च्वसुत मुनाः 'भिंमनू' नामं सफू पिथनादीगु दु। म्हिगः संस्कृतिविद् सत्यमोहन जोशीं छगू ज्याझ्वःया दथुइ उगु सफू विमोचन यानादिल। झीसं थौंकन्हय् प्रचलनय् हयाच्वनागु सामाजिक व आध्यात्मधार्मिक चिन्तन दुने सुलाच्वंगु वैज्ञानिक आधारयात विश्लेषण यानाः च्वयातःगु तःपुमछि च्वसु उकी दुथ्यानाच्वंगु दु। सफुली थ्वहे चिन्तनलिसे ज्वःलाकाः मेपिं च्वमिपिंसं च्वयातःगु छुं छुं च्वसुत नं दुथ्याकातःगु दु। डा. मानन्धरं थः मदुम्ह अबु भिमदास मानन्धरया लुमंतिइ वय्कः सम्बन्धी च्वसु समेत तयाः पिथनादीगु खः ।