टाट पल्टे जुल कोडाक कम्पनी

छगू इलय् क्यामेरा दयेकेगुलि हलिमय् अतिकं नां जाःगु कोडाक कम्पनी टाट पल्टे जूगु दु । डिजिटल प्रविधि नापं प्रतिष्पर्धा यायेमफू हलिमय् साम्राज्य जमेयाःगु सच्छि व स्वीस्वदँ लिपा कम्पनी टाट पल्टे जूगु खः ।

गुब्लेनिसें विश्वय् डिजिटल प्रविधिया विकास जुल उब्लेनिसें हे कोडाक कम्पनीयात घाटा सुरु जूगु खः । तर कम्पनीं थःयात डिजिटल प्रविधिइ रुपान्तरण यायेगु सत्ता प्रतिष्पर्धा यायेगु निंतिं न्हूगु लँपु ल्ययेमफुगुलिं टाट पल्टे जूगु खः । लिंपागु इलय् कोडाकं प्रिन्टर द्येकेगुली ध्यान केन्द्रीत याःसां कोडाक कम्पनीं नाफा यायेमफया संकटय् ल्हाःगु खः ।

कोडाक कम्पनीया नायः एन्टोनियो एम. पेरेजं कम्पनीया बोर्ड अफ डाइरेक्टर व दक्वं वरिष्ठ कर्मचारीया मुँज्यां सर्वसम्मतिं कोडाक कम्पनी टाट पल्टे जूगु आधिकारीक निर्णय यायेधुंकूगु खँ धयादीगु दु ।

उखे, कोडाक कम्पनीयात टाट पल्टे जूगु धकाः घोषणा यायेत अमेरिकाया सरकारं अपिल तकं यायेधुंकूगु दु । छगू इलय् डेढ लाख कर्मचारी दुगु कोडाक कम्पनीइ आः वया झिंगुद्वः कर्मचारीत जक दु ।

More Stories Like this