केन्द्रीय कार्यालयया नामं गुटबन्दी

येँ (झीगु स्वनिगः)

एकीकृत नेवाः राष्ट्रिय मुक्ति मोर्चा, नेपाः केन्द्रीय कार्यालयया ग्वसालय् थौं माघ ८ गते एकीकृत नेकपा माओवादीया नायः प्रचण्डयात मूवक्ता यानाः यायेगु धयातःगु ‘सहलह मुंज्या’ यथार्थय् व केन्द्रीय कार्यालयया मुंज्या मच्वंसे छम्ह निम्ह पदाधिकारीपिनिगु व्यक्तिगत ज्याभ्mवः जूगु सीदुगु दु । उगु खँयात म्हिगः हे थन छगू प्रेस विज्ञप्ति पिकयाः उगु ज्याभ्mवः मोर्चाया ज्याभ्mवः मजुसे प्रचण्ड पक्षयाःपिं छम्ह निम्ह व्यत्तिःयागु जक जूगु खँयात कयाः मोर्चाया केन्द्रीय मूछ्याञ्जे पवनमान श्रेष्ठं स्पष्ट यानादीगु खः ।

पार्टी एकता जूगु मसि मगंकं प्रचण्ड पक्षया थुगु कथं बदमासीयात कयाः खुद उगु समूहया कार्यकर्तात अजू चायाच्वंगु जानकारी ब्यूगु खः । पार्टी एकतालिपा वंगु माघ १ गते नेवाः राज्यस्तरया मंकाः प्रशिक्षण ज्याभ्mवलय् नं मंकाः रुपं सहलह दयेकाः जक न्ह्याःवनेगु धकाः प्रशिक्षण ब्यूगु खः ।

एकीकृत नेवाः राष्ट्रिय मुक्ति मोर्चाया नायः, मूछ्याञ्जे, छ्याञ्जे लगायत मोर्चा यक्को पदाधिकारी व दुजःपिंत सामान्य जानकारी तकं मबिसे थुगु कथं एकलौटी व जबरजस्ती ज्याभ्mवः बीगुयात कयाः प्रचण्ड समूहया एकता नेता व कार्यकर्तातय्त धों लायेगु ज्या जकं मखुला धैगु न्ह्यसः थनाहःगु दु ।