विद्यार्थीपाखें सुनसरी बन्द

येँ (सन्ध्या टाइम्स)/पेट्रोलियम पदार्थया भाः थकाःगु विरोधय् प्रदर्शन यानाच्वंगु झ्वलय् म्हिगः प्रहरीं ज्वंपिं विद्यार्थीतय्त त्वःतेमाःगु माग यासें थौं विद्यार्थीतय्सं सुनसरी जिल्ला बन्द याःगु दु। विद्यार्थी संगठनतय्सं बन्द आह्वान याःगुलिं शैक्षिक संस्था, बजाः, पसः, यातायात तकं ठप्प जुयाः अनया जनजीवन प्रभावित जूगु दु। म्हिगः प्रदर्शनया झ्वलय् होटल व बजाःया पसः तोडफोड याःगु द्वपनय् गिरफ्तार जूपिं न्याम्ह विद्यार्थीतय्त क्षतिपूर्ति मपुइकुसे त्वःतल धाःसा आन्दोलन यायेगु धकाः व्यवसायीतय्सं ख्याच्वः बिउगु दुसा विद्यार्थीतय्सं नं बिना सर्त विद्यार्थीतय्त त्वःतेमाःगु माग यासें थौं अथे बन्द आह्वान याःगु खः ।