हेटौंडाय् जेल ब्रेक !
येँ (सन्ध्या टाइम्स)/हेटौंडाय् च्वंगु जिल्ला प्रहरी कार्यालय मकवानपुरया हिरासतय् पुर्पक्षया लागिं कुनातःपिं न्हय्म्ह बन्दीत थौं सुथय् झ्याःया डण्डी चानाः बिसिउँ वंगु दु। चान्हय् पाः च्वनीपिं प्रहरीलिसे हे मिले जुयाः उपिं बिसिउँ वंगु खनेदुगुलिं प्रहरीं छम्ह हवल्दार व मेपिं न्याम्ह जवानतय्त नियन्त्रणय् काःगु दु। लागू वासः कारोवार केशय् ज्वनाः कुनातःपिं येँ ग्वंगःबुँ-५ या मिलन पाण्डे नापं चन्द्रशेखर गुप्ता, सन्तोष शर्मा, सुवास ढकाल, गुल मोहम्मद, नेक मोहम्मद व अर्जुन साह बिसिउँ वंगु खः ।
