देय्न्यंकं देय् दबूया भाषा प्रशिक्षण

येँ (सन्ध्या टाइम्स)/नेवाः देय् दबूया पहलय् देय्या थीथी जिल्लाय् न्ह्याकूगु भाषा प्रशिक्षण ज्याझ्वः गनं क्वचाःगु दुसा गनं सुरु जूगु दु। दमकय् नेवाः देय् दबू दमक नगर कमिटीया ग्वसालय् थनिंनिसें भाषा तालिम सुरु जूगु दुसा झापा धुलाबारीइ झी नेवाः समाजया ग्वसालय् जूगु नेवाः भाय्या प्रशिक्षण अन्तिम चरणय् थ्यंगु दु। अन स्वथाय् भाय् स्यनाच्वंगु खःसा म्हिगः नेवाः देय् दबूया नायः नरेश ताम्रकारया नेतृत्वय् वंगु पुचलं अनुगमन याःगु खः ।