थौं ख्वपया थथुबहिली सम्यक

ख्वप (सन्ध्या टाइम्स)/थौं घ्यःचाकु संल्हू। थौं देय्या थीथी थासय् मेला जुयाच्वंगु दु। ख्वपया थथुबहिली धाःसा सम्यक पर्व हनाच्वंगु दु। येँय् झिंनिदँय् छक्वः, यलय् न्यादँय् छक्वः सम्यक न्यायेकीसा ख्वपय् दँय्दसं हे घ्यःचाकु संल्हू कुन्हु सम्यक न्यायेकीगु चलन दु। थ्व झ्वलय् थथुबहिली क्वाथन्डौ प्रशन्नशील महाविहार, साकोथा चतुर्ब्रम्ह महाविहार, गोल्मढी मंगल धर्मदीप विहार, इटाछेँ जयकीर्ति महाविहार व भार्वाचो बौद्ध समकृत विहारया दीपंकरपिं नापं थीथी लागाया शाक्य वज्राचार्यया आजु, पुरोहितपिं मुनाः वसपोलपिंत हाम्वःजा समेत दान बीगु ज्या जुइ ।