ख्वपय् लछियंकं आशापुरी मेला न्ह्यात

ख्वप (सन्ध्या टाइम्स)/थनया सिपाडोलय् च्वंगु नांजाःगु आशापुरी महाद्यःयाथाय् म्हिगःनिसें मेला सुरु जुल। आशापुरी मेला धाइगु थ्व मेला लछि तक न्ह्याइ। मनं खंगु इच्छा पूवंका बीगु धइगु जनविश्वास दुगु आशापुरीया मेलाय् ख्वप जक मखु येँ, यल, भ्वँत, काभ्रे, पन्ति आदि लागाया मनूत नं वयेगु याइ। थुगु देगलय् पुजा आजा यात धाःसा पुण्य दइगु कायमस्त मदुपिं तिपूतय्सं रुद्री यात धाःसा काय बुइ धइगु नं जनविश्वास दु। आशापुरी महाद्यःया देगलय् थीथी लँपु जुयाः वनेफु। सूर्यविनायकं भन्ज्याङ जुयाः व मेखे नँखेल गाविसं नं पैदल हे वने जिउ। निदँ न्ह्यः थन वनेगु मोटर लँपु नं दयेकूगु खः ।