झीगु स्वनिगः न्हिपौया व्यवस्थापक सचिर बांमलाक्क घाःपाः

येँ (झीगु स्वनिगः)

झीगु स्वनिगः न्हिपौया व्यवस्थापक भाजु सचिर महर्जनयात घरायसीया कारणं प्यम्ह न्याम्ह मिलय् जुयाः अप्पां ख्वालय् छ्यानाः बांमलाक्क घाःपाः यानाब्यूगु दु ।
थुकिं यानाः मिखा फुसि तज्यानाः ख्वाः नं मनावःगु दु । घाःपाः जूम्ह सचिरयात म्हीग बहनिइ हे यलया पूच्वय् च्वंगु अल्का अस्पतालय् वासः यायेत यंकूगु खः ।
वेड नं. २१० सं तयातःगु दु । वय्कःयात थौं डिस्चार्ज यायेपैmगु चिकित्सकतय्सं जानकारी ब्यूगु खः ।

घरायसी सम्बन्धी सामान्य खँयात कयाः उगु कथं अप्पां छ्याःगु मू कारण धाःसा सीकेमफुनिसां प्रहरी वयाः न्यनेकने याःसां दाःम्ह व्यक्तियात धाःसा ज्वनेपूmगु मदुनि ।
घरायसी खँयात थःपिंसं हे खँल्हानाः मिलय् यायेधकाः स्थानीय व्यक्तितय्सं प्रहरीतय्त लित छ्वयाः ब्यूगु जानकारी ब्यूगु खः । अथेहे सामान्य खँयात कयाः न्याम्ह खुम्ह मनूत जानाः आक्रमण याःगुयात कयाः प्रहरीं वंगु बहनी हे मालेगु ज्या याःगु खःसां यलया त्वाः न्वकुपाखें अवरोध यानाः घरायसी खँ घरायसीकथं हे मिलय् योयगु धयाः प्रहरीयात लित छ्वयाः ब्यूगु खः । तर खँ धाःसा छुं हे जूगु मदुनि ।

सचिरयात आक्रमण याःपिं मनूतय्गु पहिचान जुइधुंकूगु धाःगु दु । राजेश महर्जन, राजु महर्जन व राजभाई महर्जनपिनिगु पहिचान जुइधुंकूसां अनया स्थानीय त्वाःया न्वकुं प्रहरीयात सम्बन्धित व्यक्तितय्त ज्वंके बियाच्वंगु मदु । आक्रमणकारीतय्गु छेँ नापं प्रहरीं सीकेधुंकूगु दु । तर स्थानीय व्यक्तिं प्रहरीयात गुमराह यानाच्वंगु सूत्रं जानकारी ब्यूगु खः ।