'सरकारी अस्पतालयात राजनीतिक हस्तक्षेपपाखें मुक्त यायेमाः’

येँ (झीगु स्वनिगः)

जनताया स्वास्थ्यलिसे प्रत्यक्ष सरोकार तइगु व आमजनतायात सर्वसुलभ रूपय् सेवा बीगु निकायया रूपय् दुगु सरकारी अस्पतालयात राजनीतिक हस्तक्षेपपाखें मुक्त यायेमाःगुलिइ सरोकारवालां बह ब्यूगु दु । सरकारी चिकित्सक संघ, नेपालपाखें ग्वसाः ग्वःगु छगू अन्तत्र्रिmयाय् उमिसं सरकारी स्वामित्वय् दुगु विकास समिति व प्रतिष्ठान अन्तर्गत सञ्चालित सरकारी अस्पतालयात राजनीतिक दलतय्सं थःपिनि कार्यकर्ता भर्ती यायेगु निकायया रूपय् विकास याःगु द्वपं नापं ब्यूगु दु ।

सर्वसाधारणं निःशुल्क दयेमाःगु सुविधाया पलेसा निजी अस्पतालया हे हाराहारीइ शुल्क पुलेमाःगु व आमजनताया अःपुक्क पहुँचय् मदुगु अज्याःगु अस्पतालयात खारेज यायेबलय् तक्कं छु नं मपाइगु उमिसं जानकारी ब्यूगु दु ।

अन्तक्र्रियाय् संघया नायः सुनिल आचार्य, छ्याञ्जे रुद्र मरासिनी व उपभोक्ता हित संरक्षण मञ्चया नायः ज्योति बानियां सरकारी अस्पतालय् जुइगु सरुवा बढुवा, भर्ना प्रक्रिया व मेमेगु सुविधायात दृष्टिगत यानाः विशुद्ध स्वास्थ्य संस्थाया रूपय् सरकारी अस्पतालयात सञ्चालन यायेमाःगु आवश्यकतायात कुलेगु ज्या नापं याःगु खः ।
वय्कःपिंसं सरकारी चिकित्सकया क्षमता व गुणस्तरय् सुधार यायेगु कथंया ज्याभ्mवः सरकारं हयेमाःगु धासें स्वास्थ्य ऐन संशोधन यानाः जूसां नं उगु अस्पतालया सेवायात सर्वसुलभ दयेकेमाःगु खँय् बह बियादिल ।