धनकुटाय् छे“ च्यानाः छगू हे परिवारया न्याम्ह मन्त

येँ (झीगु स्वनिगः)

धनकुटाया राजारानी गविस वडा नं. ६ लगाय् छे“ मिं नयाः छगू हे परिवारया फुक्कं न्याम्ह हे मनूत सीगु दु । सदरमुकाम हिले लागां थ्यंमथ्यं ५५ किलोमिटर पूर्वपाखेया उगु गाविसय् बुधवाः चान्हय् उगु गाविसया बजारय् च्वंगु स्थानीय विनोद कटवालया छे“ मिं नयाः कटवालया न्याम्ह हे परिवार सीगु खः । उगु घटनाय् लानाः कटवाल नापं वय्कःया जहान थ्यंमथ्यं ३० द“ दुम्ह राधा कटवाल, तःधिकःम्ह काय् १४ द“या सुदन कटवाल, माइलाम्ह काय् १२ द“ दुमह सुशील कटवाल व च्याला दुम्ह चीधिकःम्ह काय् राज कटवाल सीगु खः ।

धनकुटाया प्रहरी प्रमुख नायव उपरीक्षक शरदकुमार तामाङं धयादी कथं बुधवाः बहनी ९ बजेनिसें कटवालया छे“य् मिं नःगु खः । उगु मि“ धनकुटां वंपिं प्रहरी, स्थानीयवासी व धरानपाखें वंगु बारुण यन्त्रया सहयोगं चान्हय् १ बजे जक नियन्त्रणय् कायेत सफल जूगु खः । उगु घटनास्थलं कटुवालया न्याम्ह हे परिवारया च्यानाः सिनाच्वंगु अवस्थाय् लुयावःगु खः धकाः तकं प्रहरीं धाःगु दु । अथे मि“ नःगुया कारण स्पष्ट मजूनिसां विजुलीया करेन्ट सर्त जुयाः अज्वःगु घटना जूगु खयेमाः धकाः अनुमान याःगु दु ।
थ्व हे दथुइ माःगु कथंया राहत सामग्रीत ज्वनाः घटनस्थलय् अनुगमन यायेत प्रमुख जिल्ला अधिकारी खड्गबहादुर चापागाईया नेतृत्वय् छगू पुचः म्हिगः विहिवाः सुथय् हे उखेपाखे वंगु दु ।

घटनास्थलय् वंगु उगु कथंया पुचलय् प्रहरी नायव उपरीक्षक तामाङ, सशस्त्र प्रहरीया नायव उपरीक्षक नरेन्द्र सेन, राष्ट्रिय अनुसन्धान विभागया अनुसन्धान अधिकृत कृष्णा खनाल व नेपाली सेनाया सल्लेरीइ च्वंगु गणया गणपति झमानसिंह थापामगर व रेडक्रसया प्रतिनिधित दुथ्याः धकाः धाःगु दु । अथे मि“ च्यानाः कटवालया जःखः च्वंपिं स्थानीय मनूत गणेश दाहाल, भीमकुमारी तामाङ व तिलक कार्कीया यानाः स्वखा छे“ नं क्षाति जूगु दु धकाः स्थानीयवासीं धाःगु दु । उगु कथंया घटनाय् लानाः थ्यंमथ्यं ५० लाखसिबें नं अप्वः धनमालया क्षति जूगु दु धकाः प्रहरीं अनुमान याःगु दु । उगु घटनायात कयाः माःगु कथं अनुसन्धान जुयाच्वंगु दु ।