चुनावया माग यानाः राप्रपा नेपालपाखें आन्दोलनया घोषणा
येँ (झीगु स्वनिगः)
राष्ट्रिय प्रजातन्त्र नेपालं स्थानीय निकायया चुनाव यायेमाःगु माग यानाः आन्दोलनया घोषणा याःगु दु । उगु पार्टीया नायः कमल थापां म्हिगः बुधवाः पोखराय् पत्रकार सम्मेलन यानाः स्थानीय निकायया चुनाव यायेमाःगु माग यानाः आन्दोलनया घोषणा यानादीगु खः । वय्कलं फागुन ५ गतेनिसें ११ गते तकया थीथी आन्दोलनया ज्याझ्वः घोषणा यानादीगु खः । घोषित आन्दोलनया ज्याझ्वः कथं फागुन ५ गते देय्न्यंकंया ७५ जिल्लाया जिल्ला विकास समिति, नगरपालिका व गाउ“ विकास समितिया निर्वाचन यायेमाःगु माग यानाः प्रधानमन्त्रीयात ज्ञापन पौ लःल्हायेगु , फागुन ९ गते देय्न्यंकंया जिल्ला विकास समिति व नगरपालिकाया ज्याकुथिइ तालं ग्वयेगु अले ११ गते देय्न्यंकंया गाउ“ विकास समितिइ तालं ग्वयेगु याइ ।
अथे हे धर्म निरपेक्ष राज्यय् आः हाकनं हिन्दू राज्यया माग यानाः राप्रपा नेपालं वइगु चैत्र १८ गतेनिसें जनकपुरलागां सुरु यानाः पोखरा जुयाः ये“य् तक रथ यात्रा यायेगु जुइ धकाः नं राप्रपा नेपालं धाःगु दु ।
